Wish Upon A Cat

Game Info

Skip to Downloads

ကိုယ့်ရဲ့ အချစ်ဆုံးသူငယ်ချင်းတစ်ယောက်နဲ့ ပြင်းပြင်းထန်ထန် စကားများပြီးသွားတဲ့အချိန်မှာ ရင်ထဲမှာ ဘယ်လိုခံစားကြရလဲ..?

စစချင်းမှာတော့ ငါမမှားဘူးဆိုပြီး တင်းခံနေပေမယ့် အချိန်တစ်ခုရောက်လာတဲ့အခါ "ငါ ဒီစကားတွေကို မပြောခဲ့သင့်ဘူး" ဆိုပြီး နောင်တတရားတွေ၊ အပြစ်ရှိသလို ခံစားချက်တွေနဲ့အတူ အချိန်တွေကို နောက်ပြန်ဆုတ်ပစ်ချင်စိတ်တွေများ ဖြစ်ကြဖူးလား?

ဒါဆိုရင်တော့ ဒီနေ့ မင်မင် ပြောပြချင်တဲ့ ဂိမ်းလေးက ဒီလို နောင်တ တရားတွေ၊ သူငယ်ချင်း သံယောဇဉ်တွေနဲ့အတူ Odencat ရဲ့ နာမည်ကြီး ကမ္ဘာတွေကိုပါ တစ်ဝကြီး ခံစားရမယ့် Emotional ဂိမ်းလေးတစ်ခုအကြောင်းပဲ ဖြစ်ပါတယ်။

#ဒီတော့ဂိမ်းပုံစံကဘယ်လိုမျိုးလဲ ?

ဂိမ်းရဲ့အစမှာပဲ ကိုယ်ဟာ အချစ်ဆုံးသူငယ်ချင်းရဲ့ မွေးနေ့ကြီးမှာ အကြီးအကျယ် စကားများကြပြီး ကွန်ပျူတာရှေ့မှာ နောင်တတွေနဲ့ ငိုင်နေရာကနေ ရုတ်တရက် ကွန်ပျူတာထဲကနေ အလင်းတန်းကြီးတွေထွက်လာပြီး ကိုယ့်ကို အခြား Dimension တစ်ခုဆီ စုပ်ယူသွားတာပါ။ အဲ့ဒီမှာ စကားပြောတတ်တဲ့ ကြွက်ကလေးတစ်ကောင်နဲ့ ဆုံတွေ့ပြီး၊ ကိုယ်နေတဲ့ ကမ္ဘာကို ပြန်နိုင်ဖို့ဆိုရင် အခုလို အဖြစ်ပျက်တွေကို ချို့ယွင်းအောင် လုပ်မိနေတဲ့ အကျင့်ပုတ်တဲ့ ကြောင်လေးတစ်ကောင်ကို လိုက်ဖမ်းရမှာပဲဖြစ်ပါတယ်။

စိတ်ဝင်စားစရာကောင်းတာက အဲဒီကြောင်လေးကို လိုက်ရှာရင်းနဲ့ ကိုယ်တွေဟာ Bear's Restaurant တို့, Meg's Monster နဲ့ Zelle ဂိမ်းတွေထဲက ကမ္ဘာတွေအထိ တစ်လှည့်စီ ရောက်ရှိသွားမှာပဲဖြစ်ပါတယ်။ ပြောရရင် အရင်ကထွက်ခဲ့တဲ့ ဂိမ်းတွေနဲ့ Multiverse ပုံစံ ဇာတ်ကောင်အဟောင်းတွေကို ပြန်လည်မြင်တွေ့ရမှာမလို့ ထင်ထားတာထက်ကို ပိုမိုက်နေတဲ့ ဂိမ်းကောင်းလေးတစ်ခုပဲဖြစ်ပါတယ်။ 

ကိုယ်က အဲ့ဒီကမ္ဘာတွေကနေတစ်ဆင့် ကိုယ့်သူငယ်ချင်းနဲ့ ဖြစ်ခဲ့တဲ့ ပြဿနာတွေကို ပြန်လည်သုံးသပ်ဖို့အတွက် အခွင့်အရေးတွေ ရလာမှာမလို့ ဇာတ်လမ်းလေးကလည်း တဖြည်းဖြည်းဆွဲခေါ်သွားမှာပဲဖြစ်ပါတယ်။

#ဒါဆိုဘယ်လိုကစားရမှာလဲ ?

ဒီလိုဂိမ်းမျိုးတွေက လက်တစ်ဖက်တည်းနဲ့ကို အေးအေးဆေးဆေး ကစားနိုင်တာကြောင့် Puzzles လေးတွေကို ပေါ့ပေါ့ပါးပါး ဖြေရှင်းပြီး Story လေးအတိုင်း Chill ရုံပါပဲ။ ဒီထက်ပိုပြီး Fun ဖြစ်ချင်ရင်တော့ စာဖတ်မပျင်းဖို့တော့ လိုပါလိမ့်မယ်။ ဘာလို့ဆို ဒီဂိမ်းက Multiverse ထဲကို လျှောက်သွား နေရမှာမလို့ ပုံမှန် life conversation တွေနဲ့ကို ကွဲထွက်နေလိမ့်မယ်။

❖ နေရာအနှံ့ကို စူးစမ်းမယ်၊ ဇာတ်ကောင်တွေနဲ့ စကားပြောမယ်၊နောက်ပြီး လိုအပ်တဲ့ ပစ္စည်းလေးတွေကို ကောက်ယူပြီး လမ်းကြောင်းတွေပွင့်အောင် လုပ်ရမှာပါ။

❖ အရေးအကြီးဆုံးကတော့ ဂိမ်းထဲမှာ လျှို့ဝှက်ထားတဲ့ Game Cartridges 6 ခုကို အကုန်ရအောင် ရှာရမှာပါ။ Ending Area ကို ရောက်သွားရင် အနောက်ကို ပြန်လှည့်လို့မရတော့တဲ့ No point of return စနစ် ပါဝင်တာကြောင့် မရောက်ခင် သေချာလေး မွှေနှောက်ရှာဖွေဖို့ လိုအပ်ပါတယ်။

#ဘာကြောင့်ကစားသင့်တာလဲ ?

Odencat ဂိမ်းတွေကို ကစားဖူးတဲ့ သူတွေအတွက်ကတော့ မဖြစ်မနေကို ကစားကြည့်သင့်တဲ့ ဂိမ်းတစ်ခုပါ။ တစ်ကြိမ်မှားယွင်းခဲ့တဲ့ ဆက်ဆံရေးတစ်ခုကို ဘယ်လို ပြန်လည်တည်ဆောက်ရမလဲဆိုပြီး Pixel Art လှလှလေးတွေ၊ ရင်ထဲကို အေးချမ်းသွားစေမယ့် BGM လေးတွေနဲ့အတူ သေသေချာချာလေး ဖန်တီးပြသပေးထားတာမလို့ ခံစားချင်တဲ့သူတွေအတွက် အေးအေးလေး ကစားရုံပါပဲ။ 

#ဒီဂိမ်းရဲ့နောက်ကွယ်မှာကောဘာတွေရှိနေလဲ ?

Odencat စတူဒီယိုဟာ ခံစားချက်ကို ဦးစားပေးတဲ့ ဇာတ်လမ်းကောင်းလေးတွေ ဖန်တီးတဲ့နေရာမှာ တကယ့်ကို ဆရာကျတဲ့ အဖွဲ့တစ်ခုပါ။ အရင်ဂိမ်းတွေမှာတုန်းကလည်း မျက်ရည်ဝဲလောက်အောင် လုပ်နိုင်ခဲ့သလို၊ အခုဂိမ်းမှာလည်း ဟာသလေးတွေနဲ့ လွမ်းဆွေးစရာလေးတွေကိုပါ အချိုးညီညီ ပေါင်းစပ်ပေးထားတာမလို့ Player တွေကြားမှာ နာမည်ကြီးနေတာဟာလည်း မဆန်းတော့ပါဘူး။

#အချိန်ပေးရတာတန်ရဲ့လား ?

Playtime အရ နည်းနည်းတိုတဲ့ Adventure လေးဖြစ်ပေမယ့်၊ ဆော့ပြီးသွားရင်တော့ ရင်ထဲမှာ နွေးထွေးတဲ့ ခံစားချက်လေး တစ်ခု သေချာပေါက် ကျန်ခဲ့စေမှာပဲဖြစ်ပါတယ်။ အခုလို Emotional ဇာတ်လမ်းလေးတွေကိုမှ သဘောကျတယ်ဆိုရင်တော့ အချိန်ပေးရတာ တကယ်ကို တန်ပါတယ်လို့ ညွှန်းချင်ပါတယ်။

⬛ အချုပ်အနေနဲ့ ပြောရရင်တော့ Wish Upon A Cat ဟာ သူငယ်ချင်း သံယောဇဉ်ကို အခြေခံပြီး Odencat Multiverse ကြီးထဲမှာ စွန့်စားရမယ့် နောက်ပြီး ရင်ထဲနင့်သွားစေမယ့် ဂိမ်းကောင်းလေးတစ်ခုပဲဖြစ်ပါတယ်။

လုံးဝ နားလည်နိုင်ပါတယ်။ Multiverse ဇာတ်လမ်းဖြစ်ပေမယ့် သူ့သီးသန့် ဇာတ်လမ်းကြောင်းနဲ့သူ သွားတာဖြစ်လို့ အရင်ဂိမ်းတွေကို မဆော့ဖူးလည်း အဆင်ပြေပြေ ကစားနိုင်ပါတယ်။

GAME INFORMATION

Developer

Odencat

Version

1.0.4

Release

July 2026

Updated

July 2026

Network

Offline

Platform

Android, iOS, PC

Download Size

110 MB

Total Size

150 MB

Multiplayer

Singleplayer Only

A purely solo narrative experience.

Monetization

Premium (Paid)

EMOTIONAL LOAD[OPTIMIZED]

SYS.LOAD: 10%

DIAGNOSTICS

System Requirements

Mobile Specs

• Android6.0+
• iOS12.0+
• RAM2 GB
• SOCSnapdragon 450
• Arch64-bit ARM

PC Specs

• CPUIntel Core i3
• RAM4 GB
• GPUIntegrated Graphics
• DirectXVersion 11

90%

Graphics

95%

Gameplay

85%

Control

9.0

HEARTWARMING GEM

Download

Support from the official servers.

Google Play StoreFree Version (Contains Ads)

Apple App StoreFree Version (Contains Ads)

Steam VersionPremium PC Version

MOD VERSIONS

This is for testing purpose only.

Apk Only (150MB)Full Paid / No Ads

WHAT DO YOU THINK

🤩

ရှယ်ပဲ

0%

🙂

ကောင်းပါတယ်

0%

😐

မဆိုးပါဘူး

0%

🤮

မကောင်းဘူး

0%

CLICK TO VOTE

Discussion 0

Select Avatar

🎮 🕹️ 👾 ⚔️ 🚀 👽 🔥 🏆 🎯 🎲 💀 🤖 ⚡ 🌟

Replying to ... ✕

Initializing...

Load More

Collapse