Underworld Office



•         လူတိုင်းမှာ သဘာဝလွန်ဖြစ်ရပ်တစ်ခုကို အမြဲကြုံဖူးနေကြပါ။ ကြာလာတော့ သတိမထားမိကြပေမယ့် ညတိုင်း မက်နေတဲ့ အိမ်မက်တွေကတော့ တစ်ခါတစ်ရံမှာ တစ်စုံတစ်ရာကြောင့် ထိတ်လန့်စရာတွေအဖြစ် ပြောင်းလဲသွားတတ်ပါတယ်။ တစ်ချို့ကတော့ စိတ်စွဲတယ်လို့ပြောကြပေမယ့် တစ်ချို့အခြေနေတွေမှာတော့ အဲဒီ အိမ်မက်ဆိုးတွေဟာ အကြောင်းမဲ့ဖြစ်လာတာတော့ မဟုတ်ပါဘူး။ တကယ်လို့ အိမ်မက်ထဲမှာ မမြင်ဖူးတဲ့ သူတွေ၊ လောကကြီးမှာ မရှိတော့တဲ့ သူတွေကို သင်မက်ဖူးနေမယ်ဆိုရင်တော့ သင့်အနေနဲ့ မယုံကြည်လို့ရပေမယ့် သင်မြင်ခဲ့တယ်ဆိုတာကိုတော့ ရှောင်လွဲလို့မရပါဘူး။ ဘာလို့ဆိုတော့ တစ်ချို့သော အိမ်မက်တွေရဲ့အလွန်မှာ သူတို့တွေက လာကြည့်နေတတ်ကြလို့ဘဲ။ 




•          အရင်ဆုံးပြောရရင် ဒီ Game က  အရမ်းအရမ်းကို စိတ်ဝင်စားစရာကောင်းတယ်ဆိုတာ Admin ကိုယ်တိုင် အာမခံတယ်။  တကယ်ကို ဇာတ်လမ်းတစ်ပုဒ်ကြည့်နေရသလို ခံစားရမှာဖြစ်ပြီး Voice Actors တွေမပါတာတောင် ဖတ်ရင်းဖတ်ရင်း နားထဲမှာ ကြားယောင်နေမယ့် Game မျိုးပါ။ ပြီးတော့ Chat-style ပုံစံ Visual Novel ဆိုပြီး ပျင်းစရာကောင်းမယ်လို့တော့ မထင်လိုက်နဲ့။ Chapter 1 ဆော့ရုံနဲ့တင် Korea Drama လို လုံးဝ ဆွဲသွားစေလိမ့်မယ်။ စိတ်ဝင်စားဆို Game နာမည်ကိုက အောက်ဘုံရဲ့ ဌာန ဆိုတော့ သေချာပေါက် ပရလောကထဲကို ထည်ထည်ဝင်ဝင် ပုံဖော်ထားပေးမယ့် Game ကောင်းတစ်ခုပါ။ ပြီးတော့ စိတ်ဝင်စားစရာလည်း ကောင်းသလို တစ်ချို့အပိုင်းတွေမှာ ရသမြောက်တဲ့ ဝမ်းနည်းစရာ အခိုက်တန့်လေးတွေလည်း ခံစားရအုံးမှာပါ။ Game က Choice ပါတော့ ဇာတ်အိမ်က တစ်ယောက်နဲ့ တစ်ယောက်တူကြမှာမဟုတ်ဘူး။ 


•           ဒီ Game ထဲမှာပါတဲ့ အဓိကဇာတ်ကောင် Eugene လေးဟာဆိုရင် အနေအေးပြီး စကားနည်းတဲ့ အထီးကျန်သူတစ်ယောက်ပါ။ တစ်နေ့ကြတော့ အိမ်အပြန် ရထားပေါ်မှာ အိပ်ငိုက်နေခဲ့ပြီး ဆင်းရမယ့် ဘူတာကို မထင်မှတ်ဘဲ လွတ်သွားခဲ့ပါတယ်။ အဲဒါနဲ့ နိုးလာတော့ နီးစပ်ရာ ဘူတာမှာ ဆင်းနေခဲ့လိုက်ပြီး ခြောက်ခြားစရာကောင်းတာက အဲဒီ ဘူတာဟာ ဘယ်တုန်းကမှ မရှိခဲ့ပါဘူး။ အမှောင်ထဲမှာ လူမရှိဘဲ စကားသံတွေကြားနေရတော့ Eugene ဟာ လန့်ဖြန့်ပြီး ဘူတာကနေ ထွက်ပြေးဖို့လုပ်ခဲ့ပါတယ်။ ပိုဆိုးတာက သရဲတစ်ကောင်က သူ့နောက်ကို အသံကျယ်ကြီးနဲ့ ဒုန်းဆိုင်း ပြေးလာခဲ့ပြီး ထွက်ပေါက်မှာ သံတံခါးတွေက ပိတ်ထားတော့ ​Eugene တွက် ပြေးလမ်းမရှိဘဲ နှလုံးခုန်တွေ တအားမြန်လာခဲ့တာပေါ့။ သံတံခါးရဲ့ အပြင်ဘက်ကို ရောက်ဖို့ ကြိုးစားရင်း ရုတ်တရက်ဆိုသလို Eugene ရဲ့ ခန္ဓာကိုယ်နဲ့ ဝိညာဥ်ဟာ လွင့်ထွက်သွားခဲ့ပါတယ်။ ခန္ဓာက ဘူတာရုံထဲမှာ ကျန်ခဲ့ပြီး ဝိညာဥ်ကတော့ အပြင်ဘက်ကို ရောက်လာခဲ့တာပါ ။




•         ပိုဆိုးတာက အပြင်ကိုရောက်တဲ့ အချိန်ကြမှ နှလုံးခုန်သံနဲ့ အနံကို ရနေတဲ့ မကောင်းဆိုးဝါးတွေဟာ Eugene ရဲ့ဝိညာဥ် ကို စားဖို့နဲ့ ခန္ဓာကိုယ်ကို လုဖို့ ဝိုင်းလာခဲ့ပါတယ်။ အဲချိန်မှာ ရုတ်တရက် အမည်မသိသူတစ်ယောက်က Eugene ကို ကယ်တင်ခဲ့ပြီး Underworld Office ဆိုတဲ့ သူရဲ့နေရာကို ခေါ်သွားခဲ့ပါတယ် ။ ဇာတ်လမ်းက အဲဒီကနေ စတော့တာဘဲ။ ဝိညာဥ်ကမ္ဘာထဲကို ရောက်နေတဲ့ Eugene ဟာ လုံးဝ သေသွားတာမျိုးမဟုတ်ဘဲ မျောနေခဲ့တာပါ။ အဲဒါကြောင့် သူ့ကို ကယ်ခဲ့တဲ့ Boss ဟာ လူ့ပြည်ကို ပြန်သွားဖို့​ပြောခဲ့ပေမယ့် Eugene ကို အခြေနေတစ်ခု ကန့်သတ်ခဲ့ပါတယ်။ အဲဒါက Eugene ကို မကောင်းဆိုးဝါးတွေ လက်ထဲက ကယ်ပေးခဲ့ရတဲ့အတွက် ကျေးဇူးပြန်ဆပ်တဲ့အနေနဲ့ သူ့ဆီမှာ အလုပ်လုပ်ပေးရမှာပါ။ ပြောရရင် သုံးကြိမ် အလုပ်ကူပေးရမှာပေါ့။ နေ့ဘက်မှာ သာမန်လူတွေလို သွားလာနိုင်ပြီး ညကြရင်တော့ သူတို့ဆီမှာ အလုပ်လာလုပ်ရမှာပါ။ ဘာအလုပ်လဲဆိုတာ သိခြင်ရင်တော့ ကိုယ်တိုင် ဆော့ကြည့်လိုက်ပေါ့။ ပြီးတော့ အိမ်မက်အလွန် တမလွန်ရဲ့ ဝိညာဥ်ကမ္ဘာထဲမှာနော်။ ကြားထဲမှာ Eugene တစ်ယောက် ဝိညာဥ်လောကနဲ့ လူ့လောကကြားမှာ ဘယ်လို အခက်ခဲတွေ ကြုံတွေ့ရမလဲဆိုတာ အရမ်းစိတ်လှုပ်ရှားစရာကောင်းတဲ့ Game တစ်ခုပါ ။ 


•            ဖြစ်နိုင်ရင် Admin က ဒီထက် ပိုပြောပြခြင်ပေမယ့် Climax ရောက်တဲ့ထိ ဆက်ရေးရင် ဝတ္ထုရေးပေးနေရသလို ဖြစ်နေလိမ့်မယ်။ ပြောရရင် Character တစ်ယောက်ခြင်းဆီကိုပါ ရေးပေးခြင်သေးတာ။ အထူးသဖြင့် River ပေါ့။ သူမက ဝိညာဥ်လောကထဲမှာ Boss နဲ့အတူတူ Underworld Office မှာ အလုပ်လုပ်ပေးနေတဲ့သူတစ်ယောက်ဖြစ်ပြီး နှစ်ပေါင်း ဘယ်လောက်ရှိပြီလဲဆိုတာတောင် မသိကြဘူး။ မင်မင် သဘောကျတာက သူမက တဇွတ်ထိုးဆန်သလို မှားတာကို လက်ပိုက်ကြည့်နေတတ်တဲ့ သူမျိုးမဟုတ်ဘူး။ ပြီးတော့ ပျော်ပျော်နေတတ်သလို ဟာသတွေပြောပြီး တအားနောက်တတ်တဲ့ သူတစ်ယောက်ပေါ့။  ဖြစ်နိုင်ရင် Character တစ်ယောက်ခြင်းစီရဲ့ စရိုက်တွေကို သေချာလေ့လာကြည့်သင့်တယ်။ 


•            ပြီးတော့ ဒီ Game မှာ အံ့သြစရာကောင်းတာက ဇာတ်လမ်းရေးတဲ့ သူရဲ့ ပရလောက ရှုထောင့်ဟာ အရမ်းသေသပ်တယ်။ ပြောရရင် စည်းမျဥ်းတွေပေါ့။ မကောင်းတာလုပ်တဲ့ အကုသိုလ်သမားတွေကို သူတို့အနေနဲ့ ဆုံးမလို့ရကြပေမယ့် အဲလိုလုပ်လိုက်ခြင်းကလည်း သူတို့တွက် အကုသိုလ်မြောက်ပြီး ဝိညာဥ်ဘဝကနေ မကောင်းဆိုးဝါးဘဝကို ကူးသွားကြရတယ်ဆိုတာပါ။ ပြောရရင် နတ်ပြည်ကို သွားဖို့ မဖြစ်နိုင်တော့တာပေါ့။ ပြီးတော့ အဲလိုဖြစ်တာက ကိုယ့်ရဲ့ စိတ်နဲ့ တကယ်လုပ်မိတဲ့ အခါမျိုးပေါ့။ အဲဒါကြောင့်လည်း Boss နဲ့ River က  စောင့်ကြည့်နေခဲ့ကြတာကို။ ပြီးတော့ သူတို့က လူသားတွေရဲ့ အိမ်မက်ကိုလည်း မြင်နိင်သေးတယ်။  ဒီ Game ရဲ့ တစ်ချို့ အခန်းတွေဆိုရင် တအားရင်ထဲ ထိတယ်။ ဥပမာ ​သေသွားတဲ့ကြောင်လေးက သခင်ကို အိမ်မက်လာပေးတာတွေ၊ တစ်ချို့ကြတော့လည်း ကျန်ရစ်ခဲ့သူကို မပူဆွေးခြင်လို့ တမလွန်ကနေ အိမ်မက်မပေးဘဲ မေ့ဖျောက်ဖို့ကြိုးစားသူတွေပေါ့။ တကယ်ကို ဝိညာဥ်လောကနဲ့ တမလွန်ဘဝကို ကွက်ကွက်ကွင်းကွင်း ဖော်ပြပေးထားတဲ့ ရသစုံ Story Game တစ်ခုပါ။ 


======================

- [  Android version : 5.0 + ]

- [  Size : 88 MB ]

- [  Developer : Buff Studio  ]

- [  Type : Offline ]

================

Download Link
=============


==========================



#HELLOYDB

Related Posts

  • The Secret Elevator Remastered ° ဒီတစ်ခါ အသစ်ထွက်လာတဲ့ ဂိမ်းလေးကတော့ ဖြစ်ရပ်မှန်ဇာတ်လမ်းကို အခြေခံထားတဲ့ ထူးထူးခြား ဂိမ်းကောင်းလေးတစ်ခုဖြစ်ပြီး အိမ်မက်နဲ့ ပတ်သက်ဆက်နွယ်နေတာမလို့ အရမ်းစိတ်ဝင်စား… Read More
  • Wreckfest Mobile ° ဒီတစ်ခါ ထွက်လာတဲ့ Game သစ်ကြီးကတော့ PC နဲ့ Consoles ဆင်းသက်လာတဲ့ Racing ဂိမ်းကောင်းကြီးတစ်ခုဖြစ်ပြီး Mobile Version အနေနဲ့တောင် Quality ပိုင်းမှာ လုံးဝကို အားရစ… Read More
  • Zombie Catchers ° ဂိမ်းတွေအများကြီးရှိပေမယ့် ဒီဂိမ်းလောက် အထာကျတာ အတော်ရှားပါတယ်။ Zombie လို့ပြောလိုက်တာနဲ့ လူအများစုက ကြောက်တဲ့သူတွေလည်း ရှိသလို ၊ သေနတ်နဲ့ အားရပါးရ ပြန်ပစ်မယ်ဆိ… Read More
  • Carnage Wars ° အသစ်ထွက်လာတဲ့ ဒီဂိမ်းက လုံးဝကို လက်ဖျားခါလောက်တဲ့ ဂိမ်းတစ်ခုဖြစ်ပြီး Call Of Duty ကိုတောင် မီးစ တို့ပေးနိုင်တဲ့ထိ ကြမ်းတာပါ။ ဘာလို့လဲဆိုရင် ဒီဂိမ်းမှာ ပါဝင်တဲ့ … Read More
  • Typoman Remastered ° ဒီဂိမ်းလေးက တကယ်ကို တခြားဂိမ်းတွေထက်ကို ပိုပြီး ဗဟုသုတကြွယ်ဝစေမယ့်အပြင် ကစားရတာကစ Unique ဆန်ဆန်လေးနဲ့ စိတ်ဝင်စားစရာကောင်းတာပါ။ အမှန်တိုင်းပြောရရင် ဒီလိုဂိမ်းမျိ… Read More

Comments

လူကြည့်အများဆုံး GAMES