Mata Batin

° ဒီတစ်ခါ Game လေးကတော့ Asia Horror Game လေးဖြစ်ပြီး နာမည်ကိုက စိတ်ဝင်စားစရာကောင်းတာပါ။ Mata Batin ဆိုတာက Indonesia ဘာသာစကားတစ်ခုဖြစ်ပြီး အဓိပ္ပာယ်ကတော့ Inner Eyes ဒါမှမဟုတ် The Third Eye လို ခေါ်လေ့ရှိတာပါ။ နားလည်လွယ်အောင်ပြောရရင်တော့ သာမန်လူတွေမမြင်နိုင်တဲ့ လောကမြင်ကွင်းတစ်ခုကို မြင်တွေ့နိုင်တာမျိူးပါ။ ဒီ Game မှာဆိုရင်လည်း သင်က ဆိုင်ကယ်ပျက်သွားလို့ အနားမှာ ရှိတဲ့ အိမ်တစ်ခုကို ဝင်အကူညီတောင်းရင်းကနေ မထင်ထားတဲ့ အဖြစ်ပျက်တွေနဲ့အတူ Horror ဆန်ဆန် Asia အငွေ့သက်တွေနဲ့ ကစားရမှာပါ။ ထူးထူးခြားခြား အခန်းတွေလဲ ပါသလို ဒီ Game ကို ထုတ်တဲ့ Developer ကလည်း Fan အကြီးစားကြီးလို့ မြင်မိတယ်။ ဘာလဲဆိုတာ သိခြင်ရင်တော့ Review မှာဘဲ ဆက်ဖတ်ကြည့်တော့နော်။

[- Review -]

အရင်ဆုံး Game ရဲ့ ဇာတ်လမ်းလေးကို စရရင်တော့ နည်းနည်းတော့ ကျောချမ်းမိတယ်။ ဘာလို့ဆို ဆိုင်ကယ်ပျက်လို့ ဝင်အကူညီတောင်းလိုက်တဲ့ အိမ်က တကယ်ကို မဝင်သင့်တဲ့ အိမ်ဖြစ်နေလို့ပါ။ အကြောင်းကတော့ ယောက်ျားဖြစ်သူက သူ့မိန်းမကို ခေါင်းတည့်တည့် သေနတ်နဲ့ပစ်သတ်ခဲ့တာဖြစ်ပြီး သေသွားတဲ့ မိန်းမဖြစ်သူက သူမရဲ့ အစွဲလမ်းကြောင့် ဒီအိမ်ကြီးထဲမှာ မကျွတ်မလွတ်ဘဲ ကျန်ခဲ့တဲ့သူတွေကို လာလာပြီး စောင့်ကြည့်နေတာမျိုးကို ကြုံတွေ့ရမှာပါ။ ပြောရရင် သင့်အနေနဲ့ ထီအကြီးကြီး ပေါက်သွားတာမျိုးပေါ့။ 

မေးစရာရှိတာက Asia က လူတွေအနေနဲ့ သူစိမ်းတစ်‌ယောက်ရဲ့ အိမ်ထဲကို လူမရှိဘဲ ဝင်တာမျိုးက သဘာဝမကျမိဘူးလို့ထင်မိတယ်။ အထူးသဖြင့် ညသန်ခေါင်ယံကြီးကိုမှ တိတ်ဆိတ်ပြီး ခြောက်ခြားစရာအချိန်မျိုးကိုပေါ့။ ခုဟာက သင်က ဆိုင်ကယ်ပျက်လို့ သူစိမ်းတစ်ယောက်ရဲ့ အိမ်ထဲကို လူမရှိမှန်းသိရက်နဲ့ ဇွတ်ဝင်ချသွားပြီး အခန်းတွေထဲ လျှောက်ဝင် ၊ ဟိုရှာ ဒီရှာနဲ့ နောက်ဆုံး သရဲမနဲ့ ပက်ပင်းတိုးတော့မှ အတင်းအိမ်ထဲက ပြန်ထွက်ခြင်တာမျိုးဖြစ်နေတယ်။ ဒီတော့ သရဲမကလဲ ဘယ်ရမလဲ သူ့အိမ်ထဲကို ဘယ်ကကောင် ဝင်လာတာလဲဆိုပြီး တံခါးပိတ်‌ သော့ခတ်လိုက်ရုံတင်မကဘဲ ဗီရိုကြီးပါ ထွက်မယ့်အပေါက်ကို ပိတ်ချပစ်လိုက်တာ အေးရော။ အစက ဖြည်းဖြည်းခြင်းဘဲ လမ်းလျှောက်တတ်တဲ့ သင်က သရဲမ လည်ပင်းညှစ်ခံ ရပြီးမှ ပြေးတဲ့ ခလုပ်တွေပါ သူ့ဘာသူ ပေါ်လာတော့တာ။ 

နောက် အပေါ်မှာ ပြောခဲ့တဲ့ ထူးဆန်းတာ ဒါမှမဟုတ် Weird ဖြစ်တာကို ပြောပါဆိုရင် ဒီ Game မှာ Otaku တစ်ယောက်ရဲ့ အခန်းကြီးကို မြင်တွေ့ခွင့်ရမှာပါ။ ဘယ်လောက်ထိ ထူးဆန်းလဲဆိုရင် Waifu ပုံလေးတွေ နံရံမှာ ချိတ်ထားရုံတင်မကဘူး အိမ်ယာပေါ်မှာပါ ဟိုဟာကြီးပါ တင်ထားတော့ တကယ့်အကောင်ကြီးလို့ ထင်မိတယ်။ ဒါတင်ဘဲလားဆို‌တော့ မဟုတ်သေးပါဘူး နောက်တစ်ခန်းမှာဆိုရင်လည်း K pop ပုံတွေပါ ချိတ်ထားသေးတာပါ။ အဲတော့ နည်းနည်း တွေးမိတာကို ပြောရရင် သရဲမ သားသမီးတွေရဲ့ Privacy Room ကို သင်က စပ်စုမိတော့ သရဲမက သင့်ကို ပြန်မလွတ်တော့တာလဲဖြစ်နိုင်သလို သရဲမက သင့်ကိုပါ သူမရဲ့ သားသမီးထင်ပြီး ခေါ်ထားတာမျိုးလဲ ဖြစ်နိုင်တယ်။ ဒါပေမယ့် အဲသရဲမကလည်း လာစပ်စုတာဆိုတော့ စပ်စုစိန်နှစ်ယောက် ဒီ Game ထဲမှာ ပတ်ပင်းတိုးတာမျိုးပေါ့။ တစ်ခုတော့ ရှိတယ်နော် ဟိုက မိရင် လည်ပင်းညှစ်သတ်မှာ။ Admin ဆို ဒေါင့်နားလေးပုန်းနေတာကို နံရံဟိုဘက်ကနေ ပြသွားလို့ အော်လိုက်ရသေးတယ်။ 

ဒီတော့ အတိုချုံ့ပြောရရင် Asia ဆန်တဲ့ Environment ကို ကြုံရမှာဆိုတော့ မြင်သာအောင်ပြောရရင် ရေချိုးခန်း အိမ်သာတွေ ၊ ထိုင်ခုံတွေ နောက်ပြီး ဆိုင်ကယ်တွေကစ Asia ဒီဇိုင်းတွေဘဲ မြင်တွေ့ရမှာပါ။ Graphic ကို Setting ထဲမှာ High ထိ တင်ဆော့လို့ရပြီး Size လည်း နည်းတာကြောင့် Horror သမားတွေ စမ်းကြည့်သင့်တယ်လို့ အကြံပေးတယ်။ အထူးသဖြင့် ဒီ Game ရဲ့ ဆွဲဆောင်တဲ့အပိုင်းက အနောက်တိုင်း Horror Game တွေလို ခြေသံတွေနဲ့ မဟုတ်ဘဲ တစ်အိမ်လုံး သရဲမ ငိုသံကြီးကို အတိုင်းသားကြားနေရတာမျိုးပါ။ အဲဒါကြောင့် စိတ်လှုပ်ရှားစရာကောင်းသလို MATA BATIN ကိုအသုံးပြုပြီးတော့ပါ ပစ္စည်းတည်နေရာတွေကို ခပ်မြန်မြန် ရှာလို့ရပါသေးတယ်။ ဒီတော့ သရဲမနဲ့ နှစ်ပါးသွားကြည့်ကြအုံးပေါ့။ 

Game Information

Android version	5 . 1 +
Developer	LazySoft Studios
Network	Offline
Price	Free
App version	0.0.3
Update	May 21, 2022
Platform	Android

⭐ ( HELLO Rating = 7 / 10 ) ⭐

 Click To Download 

>> Download ဆွဲနည်းကြည့်ရန် <<

#HELLOYDB

Gameplay Video

Related Posts

• Final Fantasy VII The First Solider° မနေ့ကဘဲ Official ထွက်လာတဲ့ Final Fantasy ရဲ့ ပထမဦးဆုံး Battle Royale Game တစ်ခုဖြစ်ပြီး ဂျပန်အခြေစိုက် Square Enix ကနေ Mobile Platforms တွက် သီးသန့် ဖန်တီးပေးထားတာပါ။… Read More
• Area Z ( Early Access )° ဒီတစ်ခါ Early Access အနေနဲ့ အသစ်ထွက်လာတဲ့ Game လေးက တောင်ကိုရီးယားအခြေစိုက် Developer ဖြစ်တဲ့ RisingWings ကနေ ထုတ်လုပ်ပေးထားပြီး Action Zombie Game တစ်ခုမလို့ သဘောကျက… Read More
• Just Cause Mobile ( Early Access )° ဒီနေ့ Early Access ကိုမှ Region အကန့်သတ်နဲ့ ထွက်လာတဲ့ Square Enix ရဲ့ ပထမဆုံး Just Cause Mobile version ဖြစ်ပြီး Singapore Only သာ Test ခွင့်ပေးထားတာ‌ကြောင့် VPN နဲ့ဆ… Read More
• Horror Station° ဒီနှစ်ထဲမှာ ထွက်ထားတဲ့ Horror Game လေးဖြစ်ပြီး လူသိနည်းပေမယ့် Reality ဆန်တဲ့ အဖြစ်ပျက်တစ်ခုကို ကြုံတွေ့ရမှာမလို့ အရမ်းကို စိတ်လှုပ်ရှားစရာကောင်းပါတယ်။ ဒီ Game မှာဆိုရင… Read More
• No Rest Horror Game ( Alpha )° အခုမှ Alpha အဆင့်သာရှိသေးတဲ့ Game သစ်လေးဖြစ်ပြီး မင်မင်ကိုယ်တိုင်လည်း တကယ်ကို သဘောကျမိတဲ့ Horror Game လေးတစ်ခုမလို့ အကြိုက်တွေ့စေမှာ သေချာပါတယ်။ Indie Developer ဖြစ်တ… Read More