Next Floor Elevator Horror
[- Review -]
ဒီ Game က ရိုးရိုးရှင်းရှင်းလေးပါဘဲ။ သင်က အပြင်သွားစရာရှိလို့ ဓာတ်လှေကားကို
အသုံးပြုရင်းကနေ မတော်တဆ မီးတွေပျက်ကုန်ပြီး ရုတ်တရက်ဆိုသလို အောက်ထပ်ကို
ဆင်းနေတဲ့ ဓာတ်လှေကားက မူမမှန်ဘဲ အထပ်တွေကို မှားပို့နေခဲ့တာပါ။ ဒီတော့
အငြင်းပွားစရာရှိတာက ဘာလို့ ရိုးရိုးလှေကားကို မသုံးတာလဲပေါ့။ ခက်တာက
လှေကားသုံးမယ့် ထောင့်တွေတိုင်းက မှောင်မဲနေပြီး တစ်ခါလေ
အိမ်ရွေ့ဘာညာပစ္စည်းတွေနဲ့ ပိတ်နေတာကြောင့်ပါ။
ဒီတော့ ဓာတ်လှေကားကိုဘဲ အမြဲ အသုံးပြုနေရတာလားဆိုတော့လည်း မဟုတ်ပြန်ဘူး။
ဘာ့ကြောင့်ဆို သင်သုံးနေတဲ့ ဓာတ်လှေကားက တကယ်ရှိရဲ့လားတောင် သေချာတာမဟုတ်ပါဘူး။
အကြောင်းကတော့ မတော်တဆမှုတစ်ခုဖြစ်ထားပြီး ဒီ ဓာတ်လှေကားကြီးက
ဝင်စီးနေသလိုမျိုးကို ဖြစ်နေတာပါ။ အထပ်တွေမှားပို့လိုက် ၊ ရောက်ပြီးသားနေရာတွေကို
ပြန်ရောက်သွားလိုက်နဲ့ တစ်ခါလေ ပုံမှန်မဟုတ်တဲ့ အပျက်စီးပုံရိပ်တွေကစ
ပေါ်ပေါ်လာတာ။
ပုံမှန် Game တွေဆိုရင် သရဲလာရင် ပြေးတာ ပုန်းတာ အစုံရှိပေမယ့် ဒီ Game ကြတော့
သရဲထက် ဓာတ်လှေကားအထပ်တိုင်း ပွင့်လာတဲ့ အခိုက်တန့်ကြီးကိုက
စိတ်လှုပ်ရှားစရာကောင်းတာ။ ခေါ်တဲ့အခါလဲ ဓာတ်လှေကားကြီးထဲက ဘာထွက်လာမလဲ ၊
မူမမှန်တဲ့ အထပ်ကို ရောက်သွားရင်လည်း ဓာတ်လှေကားအပြင်က ဘာကြီး ခုန်ဝင်လာမလဲဆိုတာ
အတော် စိတ်လှုပ်ရှားစရာကောင်းတယ်။ ပြောရရင် ကိုယ့်ဘက်က ရွေးချယ်စရာမရှိဘူး
ဒီတိုင်း ကြုံရမယ့် အရာကို မျက်စိမှိတ်အခြောက်ခံရမှာ။
ဒီ Game မှာ သဘောကျတာက Control ကလည်း ရိုးရှင်းသလို Game ရဲ့ ရည်ရွယ်ချက်
ပန်းတိုင်ကလည်း ရိုးရိုးရှင်းရှင်းပါဘဲ။ ပြောရရင် Puzzle တွေ ဘာညာတွေထက် သူက
ဓာတ်လှေကားကို စီးပြီး အောက်ထပ်ကို ရောက်ခြင်တာတစ်ခုတည်းပါ။ အဲဒါကိုမှ ကြားထဲမှာ
ခြောက်ခြားစရာအဖြစ်ပျက်တွေ ဆက်တိုက်ကြုံရမှာဖြစ်ပြီး တစ်ခါလေ Jump Scare တွေအပြင်
လက်ဝါးကပ်တိုင်တွေပါ ဇောက်ထိုးဖြစ်တဲ့ထိ တွေ့ရမှာပါ။ နောက်တစ်ခု ပြောစရာရှိတာ ဒီ
Game ရဲ့ view က Camera Zoom ပုံစံကြီးမလို့ ကြည့်ရတာတစ်မျိုးဖြစ်နိုင်တယ်။ Admin
အထင်တော့ ဒီ Game ရဲ့ Main Character က မျက်မှန်တပ်ထားတဲ့သူမလို့ ခုလို Effect
မျိုးထည့်ပေးထားတယ်လို့ မြင်မိတယ်။
Spoil တာ မဟုတ်ပေမယ့် အထပ်တစ်ခုမှ လူတွေရပ်ကြည့်နေတာမျိုးတွေ တွေ့ခဲ့ရတယ်။ အဓိက
သေသွားတဲ့သူက ပါပေမယ့် ဘေးက ကျန်တဲ့လူတွေက မိသားစုဝင်လား ဒါမှမဟုတ် ဒီ Elevator
မှာဘဲ ဆုံးသွားတဲ့သူတွေလားဆိုတာ တွေးစရာဘဲ။ ပြီးတော့ အောက်ဆုံးထပ်ရောက်တာတောင်
မီးနီကြီးကို ဓာတ်လှေကားအပြင်ဘက်မှာ တွေလိုက်ရတော့ တော်တော်နဲ့ မထွက်ရဲဘူး။
ဘာကြီးလဲဆိုတာ သိခြင်ရင် ကိုယ်တိုင်ဆော့ကြည့်တော့နော်။ Admin ကတော့
သရဲခြောက်တာမလန့်ဘဲ ခွေးအူမှ လူပါတုန်တက်သွားတာ။ တိုက်ခန်းထဲ ခွေးရှိမယ်လို့
ထင်မှထင်မထားတာ။
| Android version | 5 . 0 + |
| Developer | DarkPlay Game |
| Network | Offline |
| Price | Free |
| App version | 1.3 |
| Release date | 3. 27. 2021 |
| Platform | Android / iOS |
⭐ ( HELLO Rating = 7 / 10 ) ⭐
#HELLOYDB
Comments