Truckers Of Europe 3
[- Review -]
Truckers Of Europe ဆိုတဲ့ Title ဟာ Wanda Software ရဲ့ Series အလိုက် ထုတ်ပေးတဲ့
Truck Simulator Game ကောင်းတွေဖြစ်ပြီး ဒီတစ်ခါထွက်လာတဲ့ 3 မှာတော့ Mobile
Player တွေအကြိုက် Features တော်တော်များများကို ယူဆောင်လာပေးခဲ့တာပါ။ Physics
ပိုင်းတင်မကဘဲ Graphic ကစ အရမ်းသဘောကျစရာကောင်းပြီး အထူးသဖြင့် Weather Effect
တွေက ဒီ Game ကို ပို Realistic ဖြစ်အောင် Support ပေးနေတယ်ဆိုတာလည်း
မမှားပါဘူး။
Game ပုံစံက ကုန်ပစ္စည်းတွေကို တစ်နေရာနဲ့တစ်နေရာ ဘယ်လောက်ဝေးဝေး နေ့ညမရွေး
ပြေးဆွဲရတာဆိုပေမယ့် အဲဒီ ပြေးဆွဲနေတဲ့ ကြားထဲက ကြာချိန်လေးကိုက အတော်လေး Chill
လို့ကောင်းတာပါ။ ပြီးတော့ ဒီ Game ရဲ့ Weather Effect တွေကလည်း အတော်လေး
ကြည့်ကောင်းနေတော့ အထူးသဖြင့် မိုးအုံ့မိုးရွာနေတဲ့အချိန်ဆိုရင် မောင်းရတာကိုက
စိတ်ထဲ တစ်နည်းနည်းနဲ့ Feel လို့ကို ကောင်းတာပါ။ First Person View နဲ့
ကားထဲကနေဝင်မောင်းရင် ပိုသိသာပြီး တကယ်ရောက်နေသလို ခံစားစေရတဲ့အပြင်
မှောင်ရိပ်သန်းပြီး စိုစွတ်နေတဲ့ ပတ်ဝန်းကျင်ကြောင့်ပါ
ကားမောင်းတဲ့သူတစ်ယောက်အနေနဲ့ တစ်စုံတစ်ရာကို ခဏတာ လွမ်းဆွတ်တတ်တဲ့ Vibe မျိုးကို
ခံစားရမှာပါ။
တခြားသူတွေတော့မသိပေမယ့် Admin တော့ အဲလို မိုးအုံ့အုံ့မှိုင်းမှိုင်းနဲ့ဆိုရင်
Game ထဲကော အပြင်မှာပါ အရမ်း သဘောကျမိတယ်။တောင်တန်းကြီးတွေ၊ မှောင်ရိပ်သန်းနေတဲ့
သစ်တောကြီးတွေအပြင် ရောင်ပြန်ပြီး စိုစွတ်နေတဲ့ လမ်းမပေါ်က
ရေအိုင်လေးတွေကြောင့်ပါ တကယ်ဘယ်လိုမှန်းမသိအောင်ကို ပျော်မိတယ်။ ဒါတင်မကဘူး
ကားမှန်ပြင်ပေါ်လာစင်တဲ့ မိုးပေါက်လေးတွေရဲ့ သံစဉ်ကြောင့်ပါ တစ်ခါလေ
တစ်စုံတစ်ခုကို လွမ်းနေမိတာတော့ အမှန်ဘဲ။ အဲလောက်ထိ ဒီ Game မှာ Admin ကိုယ်တိုင်
ခံစားမိပြီး နားကြပ်နဲ့ဆိုတော့ ပိုတောင် Feel မိတာပေါ့။ ဘယ်လောက်ထိလဲဆိုရင်
ပတ်ဝန်းကျင်အလှမှာတင် မြောသွားလို့ ကိုယ် သွားရမယ့် လမ်းကိုတောင်
ကျော်မောင်းမိတဲ့ အဖြစ်ထိ ကြုံခဲ့ရတာ။ ကားလေးမောင်းလိုက် ဘေးက ပတ်ဝန်းကျင်လေးကို
Feel လိုက်နဲ့ တကယ်ကို Perfect ဘဲ။
ဒီတော့ Game အကြောင်းကို ပြန်ဆက်ရရင် ကုန်တင်တာတွေက Parking အတိကျနဲ့
အသေးစိတ်လုပ်ဆောင်ရမှာဖြစ်ပြီး ကားဆေးတာတွေကစ ထပ်ပြီး Detail တွေ့မြင်ရမှာပါ။
Truck နဲ့ပတ်သတ်တဲ့ လုပ်ဆောင်ချက်တွေ အကုန်ထည့်ပေးထားပြီး AI Traffic System
တွေကစ အတော်လေး Smart ဖြစ်တာပါ။ ဒါ့အပြင် ကားအင်ဂျင်သံတွေကစ အပြင်ကလို
ခံစားရမှာဖြစ်ပြီး Car Damage ဖြစ်တာနဲ့ ဆီစားနှုန်းတွေကစ
အသေးစိတ်ဖန်တီးပေးထားတာကို တွေ့မြင်ရမှာပါ။ အဲဒီထဲမှာ Admin သဘောကျတာကတော့
ကားစီယာတိုင် ကိုင်တဲ့နေရမှာ လက်နှစ်ဖက်လုံးကို မြင်သာအောင် ထည့်ပေးထားပြီး
အကွေ့တွေဆိုရင် လက်လှုပ်ရှားတာတွေကစ သဘာဝကျတာပါ။
ဒီတော့ Graphic နဲ့ Gameplay Physics ပိုင်းတွေက အကုန်အဆင်ပြေနေပြီဆိုတော့
အရေးကြီးတဲ့ Optimization ပိုင်းကရော အဆင်ပြေပါ့မလားဆိုရင်
စိတ်ပူစရာတော့မလိုပါဘူး။ ဘာလို့ဆို ဒီ Game က ဖုန်းနဲ့ အဆင်ပြေမယ့် Graphic
Option ပိုင်းကို Auto ချိန်ညှိပေးသွားမှာဖြစ်ပြီး Control Type တွေကစ
စိတ်ကြိုက်ရွေးချယ်လို့ရတာပါ။ Gear ပိုင်းမှာလည်း Auto , Manual
စိတ်ကြိုက်သုံးလို့ရတာကြောင့် Pro ကျကျ မောင်းခြင်တဲ့သူတွေတွက်
အကြိုက်တွေ့မှာပါ။ အထူးသဖြင့် ကုန်းတက်တွေဆိုရင် အရှိန်ပါမှ ရုန်းလို့ရတာဆိုတော့
Speed ကိုလည်း လိုသလို ချိန်မောင်းနိုင်မှ ခရီးတစ်လျှောက်လုံး အဆင်ပြေမှာနော်။
ကားနဲ့ ပတ်သတ်တဲ့ Customization တွေက ပါပေမယ့် သဘောကျစရာကောင်းတာကတော့ ကိုယ်ပိုင်
Truck Skin တွေပါ ထည့်လို့ရအောင် လုပ်ပေးထားတာပါ။
| Android version | 4 . 4 + |
| Developer | Wanda Software |
| Network | Offline |
| Price | Free |
| App version | 0.16 |
| Release date | June 22, 2022 |
| Platform | Android / iOS |
Comments