CASE 2 Animatronics
{ - 𝐆𝐚𝐦𝐞 𝐑𝐞𝐯𝐢𝐞𝐰 - }
ဒီဂိမ်းဟာ Horror အမျိုးစားကိုမှ ဇာတ်လမ်းကောင်းကောင်းနဲ့ Puzzle တွေကို
ဖြေရှင်းပေးရမှာဖြစ်ပြီး First Person View နဲ့တင် ရင်ခုန်စရာကောင်းလောက်အောင်ကို
ဆော့ကစားရမှာပါ။ ဒါ့အပြင် Tablet ကနေ တစ်ဆင့် security cameras တွေနဲ့ monitor
တွေကိုပါ Manage လုပ်နိုင်အုံးမှာမလို့ အသတ်မခံရဖို့အတွက် ဉာဏ်ရှိရှိနဲ့
ပုန်းလိုက်ရှာလိုက် ကစားပေးရမှာပါ။ အနီးနားရောက်လာတိုင်း ကျောချမ်းစရာကောင်းတဲ့
စက်သံကြီးတွေဟာ နားထဲ တိုးဝင်လာမှာ ဖြစ်တာကြောင့် နားကြပ်လေးနဲ့
တပ်ဆော့ကြည့်ကြဖို့ အကြံပေးပါတယ်။ PC နဲ့ Consoles ကနေ ဆင်းလာတာမလို့ Graphic
ပိုင်းမှာလည်း ကြည့်ကောင်းပြီး ဓာတ်မီးတစ်လက်တည်းနဲ့ သည်းထိတ်ရင်ဖိုဖွယ်
ကစားရမှာပါ။
ဒီဂိမ်းရဲ ဇာတ်လမ်းအပိုင်းမှာတော့ အပေါ်ဆုံးမှာပြောခဲ့သလိုဘဲ
ပထမဂိမ်းမှာဖြစ်ပျက်ခဲ့တဲ့ police station မတိုင်ခင် လွန်ခဲ့တဲ့ 2
နှစ်ကျော်တုန်းက ထူးဆန်းမှုတွေကို ကိုယ်တိုင်ကြုံတွေ့ရမှာပါ။
အဖြစ်ဆိုးကြီးတစ်ခုကြောင့် မြို့ထဲမှာရှိတဲ့ Amusement Park ဟာ
ပိတ်သိမ်းခံလိုက်ရပြီး ဒေသခံလူတွေဟာလည်း ဒီဖြစ်ရပ်ပေါ်မှာ သံသရ ရှိခဲ့ကြပါတယ်။
တစ်ချို့ကလည်း မတော်တဆမှုကြောင့်လို့ ထင်ခဲ့ကြပေမယ့် တစ်ချို့တွေကတော့
ဒီဖြစ်ရပ်ဟာ တမင်ရည်ရွယ်ချက်ရှိရှိ ဖန်တီးခဲ့တာလို့ မှတ်ယူခဲ့တာပါ။ ဘယ်ဟာ အမှန်
ဘယ်ဟာ အမှားဆိုတာထက် မြို့ထဲမှာ ပြန့်ကျဲနေတဲ့ လူပျောက်ကြေငြာစာရွက်တွေဟာ
လမ်းမပေါ်မှာ ရှိနေတဲ့ သစ်ရွက်ကြွေတွေထက်တောင် များပြားလာခဲ့တာမလို့ ဒီကိစ္စဟာ
ထင်ထားတာထက်ကို ပိုစိတ်ဝင်စားစရာကောင်းလာတာပါ။ အဲဒါကြောင့် Jack အနေနဲ့
ဒီကိစ္စတွေကနေ ရုန်းထွက်နိုင်ပါ့မလားဆိုတာကိုတော့ ဂိမ်းထဲမှာဘဲ
ဆက်ဆော့ကြည့်တော့နော်။
( - 𝐏𝐞𝐫𝐬𝐨𝐧𝐚𝐥 - )
Game က Horror ဆိုပေမယ့် ဇာတ်လမ်း ဆင်ပေးထားတာက အရမ်းသဘောကျစရာကောင်းတယ်။
ဘာလို့ဆိုရင် ဒီလို ဇာတ်လမ်းမျိုးက ကိုယ်တိုင် ကြုံခဲ့ရင်တောင် အတော်လေး Creepy
ဖြစ်စေမှာ အသေချာဘဲ။ သဘာဝလွန်ဖြစ်ရပ်တွေ မပါတဲ့ Pure Horror ဂိမ်းတစ်ခုမလို့
သေမှာမကြောက်တဲ့သူတွေအတွက်တော့ စိတ်လှုပ်ရှားစရာကောင်းမှာပါ။ ကျန်တဲ့သူကတော့
ပြောမနေနဲ့တော့ သတိပါလစ်သွားမှာ။
နားလည်အောင်ပြောရရင် ဒီ ဇာတ်လမ်းပုံစံမျိုးက ဂိမ်းတစ်ခုတည်းကို ဝင်ကစားနေရသလိုဘဲ။
သတိလွတ်တာဖြစ်ဖြစ် ၊ ဉာဏ်မသုံးနိုင်တာဘဲဖြစ်ဖြစ် နှောင့်နှေးခဲ့ရင်တော့ အသေဘဲ
ဖြစ်မှာပါ။ Jack ဖြစ်တဲ့ သင်က ကိုယ်ကိုတိုင် မသိလိုက်တဲ့ ပြစ်မှုတစ်ခုကြောင့်
Unknown ဆိုတဲ့ လူသတ်သမားတစ်ယောက်ရဲ့ အပြစ်ပေးခြင်းကို ခံရမှာပါ။ အစကတည်းက
မီးတွေကို အကုန်ဖျက်ချထားတာမလို့ လုံခြုံရေး တံခါးတွေ အလုပ်မလုပ်တော့တဲ့အချိန်မှာ
လူသတ်သမားဟာ အကွက်ကျကျနဲ့ သူကိုယ်တိုင် မသတ်ဘဲ စက်ယန္တရားစက်ရုပ်ကြီးတွေကို
အစားထိုး သတ်ခိုင်းတာပါ။ အဲဒါကြောင့် လူသတ်သမား ဘယ်သူဆိုတာထက် သူ လွတ်လိုက်တဲ့
လူသတ်စက်ကြီးတွေကြောင့် ဒီဂိမ်းဟာ Thrilling ဆန်ဆန်နဲ့ကို ဆော့ကစားရမှာပါ။
သရဲခြောက်လို့ ကြောက်တာမျိုးမဟုတ်ဘဲ အသတ်ခံရမယ့် အဖြစ်ကို ကြောက်ရတဲ့
ပုံစံမျိုးနဲ့ ကစားရမှာမလို့ Horror Fan တွေအတွက်တော့ စိတ်ကြိုက်ဖြစ်စေမယ့် Game
ကောင်းလေးတစ်ခုပါ။
| Android version | 7 . 0 + |
| Developer | OOO VALNAT |
| Network | Offline |
| Price | Free |
| App version | 1.0 |
| Release date | Nov 23, 2022 |
| Platform | Android / PC / Console |
Comments