LIVE FACTORY
{ - 𝐆𝐚𝐦𝐞 𝐑𝐞𝐯𝐢𝐞𝐰 - }
ဒီဂိမ်းရဲ့ ဇာတ်လမ်းထဲမှာဆိုရင် ရာစုနှစ်တွေတိုင်အောင် လူသားတွေ ဖန်တီးခဲ့ကြတဲ့
စစ်ပွဲတွေကြောင့် ကမ္ဘာမြေကြီးဟာ အရင်လို မသန့်ရှင်းတော့ဘဲ အဆိပ်တောက်တွေ
များလာခဲ့ပါတယ်။ အဲဒါကြောင့် မြေအောက်စက်ရုံတွေကို တည်ထောင်ခဲ့ကြပြီး
လူသားအရင်းမြစ် ချွေတာရေးအတွက် 24 နာရီအလုပ်လုပ်နိုင်တဲ့ စက်ရုပ်တွေကို
Artificial intelligence ဖြစ်တဲ့ AI တွေနဲ့ အစားထိုး ထိန်းချုပ်ခဲ့ကြတာပါ။
ဒီလိုနဲ့ တဖြည်းဖြည်း စက်ရုံကနေ လူသားတွေ ထွက်ခွာသွားတဲ့ အချိန်မှာတောင်
ဒီစက်ရုံအတွင်းမှာ ရှိတဲ့ စက်ရုပ်တွေဟာ AI ရဲ့ ညွှန့်ကြားမှုနဲ့ မနားတမ်း
အလုပ်လုပ်နေကြရတုန်းပါ။ ဒါပေမယ့် တစ်နေ့မှာတော့ AI ဟာ Error တစ်ခုဖြစ်ခဲ့ပြီး
စက်ရုံရဲ့ Communication အပိုင်းမှာ ရုတ်တရက် ပြတ်တောက်သွားခဲ့ပါတယ်။
အဲဒီအချိန်မှာ စက်ရုပ်အချို့ဟာ Malfunction တွေဖြစ်ကုန်ပြီး အန္တရာယ်တွေ
စပြုလာတာကြောင့် တခြား Robots တွေမှာပါ ထပ် မဖြစ်ပွားခင် ဒီ စက်ရုပ်ကြီးထဲကနေ
လွတ်မြှောက်အောင် ကြိုးစားပေးရမယ့် ပုံစံမျိုးလေး ကစားရမှာပါ။
Main Character ဖြစ်တဲ့ စက်ရုပ်လေးကလည်း သူ့ကိုယ်သူတောင် ဒီကို
ဘယ်လိုရောက်လာလဲဆိုတာ မမှတ်တော့တာကြောင့် တဖြည်းဖြည်း အစဖော်ရင်း
စွန့်စွန့်စားစားနဲ့ စိတ်ဝင်စားစရာကောင်းတဲ့ Storyline ကို မြင်တွေ့ရမှာပါ။
ဒါ့အပြင် Gameplay ကစ တကယ် သဘောကျစရာကောင်းပြီး Puzzle Platform ပုံစံမလို့
တံခါးဖွင့်ဖို့တွက် Key တွေရှာ ရင်း စက်ပစ္စည်းအပိုင်းစတွေကိုပါ စုဆောင်းရမှာပါ။
Teleport တွေကိုပါ အသုံးချရမှာဖြစ်ပြီး တစ်ခါတလေ Difficult မြင့်တဲ့ Room တွေပါ
ပါဝင်သေးတာကြောင့် သေချာ စဉ်းစားပြီးတော့ကိုမှ လက်မြန်မြန်နဲ့ ကစားပေးရမှာပါ။
Graphic ပိုင်းမှာလည်း အတော်လေး ကျေနပ်စရာကောင်းပြီး လှုပ်ရှားတဲ့ Animation
တွေကစ သဘောကျစရာကောင်းပါတယ်။
Setting နဲ့ပတ်သတ်ပြီး အမိုက်ဆုံးကတော့ Gamepad ကော Keyboard တွေနဲ့ပါ Support
ပေးထားတဲ့အပြင် Graphic Performance အတွက် Resolution Scale နဲ့ fps တွေကိုပါ
Option အစုံထည့်ပေးထားပါတယ်။ ဦးနှောက်တင်မကဘဲ လက်ပါ သွက်နေမှ ဖြစ်တာကြောင့်
Platform Adventure ကောင်းကောင်းလေး ကစားချင်တဲ့သူတွေအတွက် ဆော့ကြည့်ကြဖို့ရာ
အကြံပေးပါတယ်။
| Android version | 6 . 0 + |
| Developer | World in box |
| Network | Offline |
| Price | 4.99 $ |
| App version | 21.0 |
| Release date | Apr 4, 2022 |
| Platform | Android / iOS |
Comments