Strange Hill
° ထွက်ထားတာ တစ်ရက်ကျော်ဘဲ ရှိသေးတဲ့ ဒီဂိမ်းလေးက Adventure ဆန်ဆန်လေးနဲ့ Open
World နီးပါး ကစားရမှာဖြစ်ပြီး Thrilling ဆန်တဲ့ ဂိမ်းတစ်ခုလို့ ဆိုထားပေမယ့်
တကယ်က အတော်လေး Funny ဖြစ်ပြီး အရမ်းချစ်စရာကောင်းတာပါ။ ဘာကြောင့်လဲဆို
ဒီဂိမ်းထဲမှာ ပါဝင်တဲ့ ရန်သူလေးတွေက Bunny လေးတွေဖြစ်ပြီး စိတ်ရူးပေါက်နေတဲ့
အကြည်လေးတွေကိုက အရမ်းအူယားစရာကောင်းနေတာမလို့ပါ။ နောက်ပြီး indie developer
တွေရဲ့ Mobile Game တွေ အပေါ် အားစိုက်မှုတွေကလည်း အရင်ကထက် သိသိသာသာနဲ့
အပြိုင်အဆိုင်ပိုကောင်းလာကြတာကိုလည်း အခုဂိမ်းမှာတင် မြင်တွေ့ရမှာပါ။
{ - 𝐆𝐚𝐦𝐞 𝐑𝐞𝐯𝐢𝐞𝐰 - }
Game ပုံစံက The Nun တို့ Granny ဂိမ်းတို့လို့ Chasing ပုံစံမျိုးဖြစ်ပြီး
အနီးစပ်ဆုံး Hello Neighbor နဲ့ Type ချင်းတူကြပါတယ်။ ဒါပေမယ့် ပို သာသွားတာက
Storyline ကို အရင်ကထက် ပိုချဲ့ပေးထားတဲ့အပြင် Side Quests တွေကြောင့်ပါ Open
World နီးပါး လျှောက်သွားရတာမလို့ Role Playing ဂိမ်းလို့တောင် ပြောရမှာပါ။
ဒါပေမယ့် Main Story ကိုဘဲ Support လုပ်ပေးထားတာမလို့ သာမန် Problems လေးတွေကို
လိုက်ကူညီပေးရရုံပါဘဲ။ အဓိကကတော့ Psycho ဝင်နေတဲ့ Bunny လေးတွေကြောင့် အခုလို
Side Tasks တွေ ပေါ်လာရတာမျိုးပါ။
Game ရဲ့ ဇာတ်လမ်းလေးက အရိုးရှင်းဆုံးပြောရရင်တော့ Sci-fi ဆန်တဲ့
သိပ္ပံဦးစားပေး Adventure ပုံစံမျိုးလေးပါ။ သားဖြစ်သူက ပျောက်ဆုံးသွားတဲ့
အဖေကို လိုက်ရှာရင်း တခြား Dimensions နယ် ကမ္ဘာတွေထိပါ ရောက်ရှိသွားတာကြောင့်
အဖေဖြစ်သူ ရှာတွေ့ခဲ့တဲ့ Portal ဂိတ်တွေကို အသုံးချပြီး ဒီနယ်ပယ်တွေမှာ
ဘာတွေဖြစ်ခဲ့လဲဆိုတာကို လိုက်လံစုံစမ်းပေးရမှာပါ။ နောက်ပြီး ဒီ သုတေသနထဲမှာ
အဖေဖြစ်သူ တစ်ယောက်တည်း အလုပ်လုပ်ခဲ့တာ မဟုတ်တာကြောင့် ဘယ်သူက သစ္စာဖောက်ပြီး
ဘာကြောင့် ယုန်လေးတွေ စိတ်ဖောက်သွားလဲဆိုတာကိုပါ ကစားရင်းနဲ့
ရှာဖွေပေးရမှာပါ။
ကစားရမယ့်ပုံစံက Third Person View မလို့ First Person Game တွေထက် ကြည့်ရတာ
ပိုအဆင်ပြေတဲ့အပြင် Sneaking လုပ်တဲ့နေရာတွေမှာပါ အတော်လေး အသုံးဝင်ပါတယ်။ Puzzle
တွေ ၊ Side Tasks တွေကို လိုက်ဖြေရှင်းရင်း မြို့ထဲမှာပါ
လျှောက်ပတ်သွားလို့ရတာကြောင့် Rewards တွေ စုပြီး Extra Items တွေထိပါ
ဝယ်ယူလို့ရပါတယ်။ Story တစ်လျှောက် စိတ်ဝင်စားစရာကောင်းတဲ့ NPC တွေကို
ပိုတွေ့လာရမယ့်အပြင် Character တွေကိုပါ ကျယ်ကျယ်ပြန့်ပြန့် ချိတ်ပေးထားတာကြောင့်
အရင်က ထုတ်ပေးခဲ့တဲ့ Game တွေထက်ကို သေချာလေး စနစ်ကျကျနဲ့ Graphic ကော Gameplay
improvement တွေပါ အတော်လေးတိုးတက်လာတဲ့ ဂိမ်းကောင်းတစ်ခုလို့ ပြောရမှာပါ။
( - 𝐏𝐞𝐫𝐬𝐨𝐧𝐚𝐥 - )
Admin အမြင်မှာတော့ ဒီလို Third Person ပုံစံ Thrilling Game မျိုးတွေဟာ Offline
အနေနဲ့ မြင်တွေ့ရတာ အတော်လေး ရှားသွားပြီဖြစ်ပြီး သာမန် Indie Game ဆိုပေမယ့်လည်း
သေချာလေး ဖန်တီးထားတာမလို့ အချိန်ပေး ကစားရတာ တန်စေတဲ့ Mobile Game လေးတစ်ခုလို့
ပြောရမှာပါ။ Admin သဘောအကျဆုံးက ရန်သူရဲ့ minions လေးတွေဖြစ်ပြီး Bunny လေးတွေ
လုပ်ပေးထားတာမလို့ ကစားရတာ ကြောက်စရာမကောင်းဘဲ ပိုပြီး အူယားစရာကောင်းနေတာပါ။
စိတ်တိုနေတဲ့ အကြည့်လေးတွေကိုက လူကိုတွေ့တာနဲ့ တန်းပြီး လျှပ်စစ်ဘတ်တန်နဲ့
လိုက်ရိုက်နေတာမလို့ ပတ်ပြေးနေရတာနဲ့ကို တကယ်ရယ်ရပါတယ်။ နောက်ပြီး
စိတ်ဆိုးပြေသွားရင် ဖြစ်သွားတဲ့ မျက်နှာလေးကိုက အရမ်းချစ်စရာကောင်းပြီး Sneaking
လုပ်ပြီး ပုတ်ပေးရတာမလို့ တစ်ခါလေ အဲပုံစံလေးကို မြင်တွေ့ဖို့ရာ အတော်လေး
ခဲယဉ်းပါတယ်။ ဒါကတော့ Admin သဘောကျတဲ့ ဒီဂိမ်းရဲ့ အကောင်းဆုံးအချက်လေးဖြစ်ပြီး
Open World နဲ့တင် ကစားကို ကစားကြည့်သင့်ပါတယ်။ Graphic ပါ ကောင်းသေးတော့
ဘာလိုသေးလဲ ။
| Android version | 5 . 1 + |
| Developer | PAGA GAMES OU |
| Network | Offline |
| Price | Free |
| App version |
1.0..0 |
| Release date | Aug 29., 2023 |
| Platform | Android / iOS / PC |
Comments