𝐃𝐞𝐥𝐢𝐯𝐞𝐫𝐲 𝐅𝐫𝐨𝐦 𝐓𝐡𝐞 𝐏𝐚𝐢𝐧

• Survival ကြိုက်တဲ့သူတွေအတွက် Delivery From The Pain ဆိုတဲ့အတိုင်း Heart ထိစေတဲ့ Title နဲ့အတူ Zombie Apocalyptic ဆန်တဲ့ ဂိမ်းကောင်းလေးတစ်ခုအကြောင်းကို ပြောပြချင်ပါတယ်။ အရင်ဆုံး ဒီဂိမ်းလေးက Offline ဂီမ်းလေးလည်း ဖြစ်သလို Survival Mechanic တွေနဲ့ သေချာ ဖန်တီးထားတာကြောင့် သဘောကျစေမှာကတော့ လုံးဝသေချာပါတယ်။ နောက်ပြီး Android , iOS မှာတင်မကပဲ PC နဲ့ တခြား Platform တွေမှာပါ Rating ကောင်းကောင်းနဲ့ ထွက်ရှိထားတဲ့ ဂိမ်းလေးပဲ ဖြစ်ပါတယ်။

#𝐆𝐀𝐌𝐄𝐑𝐄𝐕𝐈𝐄𝐖

ဂိမ်းဇာတ်လမ်းလေးကို လိုတိုရှင်းပြောရမယ်ဆိုရင် Zombie တွေပြည့်နေတဲ့ ပတ်ဝန်းကျင်မှာ သင်က အသက်ရှင်ဖို့ ကြိုးစားနေတယ်ဆိုပေမယ့် တစ်နေ့မှာတော့ ဒဏ်ရာရနေတဲ့ ကယ်ဆယ်ရေးတပ်သားတစ်ယောက်နဲ့ ကံကြမ္မာက စုံတွေ့ခွင့်ပေးခဲ့ပါတယ်။ ဒီလိုအခြေနေမျိုးမှာ တစ်ယောက်ကို တစ်ယောက် ကူညီပေးကြရင်းကနေ တပ်သားကလည်း သူ့ရဲ့အခြေနေကို သူသိနေတာကြောင့် သင့်ကို ဒီပတ်ဝန်းကျင်မှာ အသက်ရှင်နိုင်ဖို့အတွက် နည်းစနစ်တွေကို သေချာလမ်းပြပေးသွားခဲ့ပါတယ်။

တစ်နည်းအားဖြင့် ဘယ်လို တိုက်ခိုက်ရမယ်၊ လက်မှုပညာတွေကို ဘယ်လိုသင်ယူရမလဲဆိုတာကအစ သင်ပြပေးသွားခဲ့ပြီး တစ်နေ့မှာတော့ Delivery From The Pain ဆိုတဲ့အတိုင်း အဲဒီတပ်သားဟာလည်း သင့်အသက်ကို ကယ်ပေးရင်းကနေ ဆုံးပါးသွားခဲ့ပါတယ်။ မသက်သာတဲ့ အခြေနေမျိုးဆိုပေမယ့် တပ်သားပြောခဲ့တဲ့ Safety Zone ကို သွားဖို့ရာအတွက် သင့်ကိုယ်တိုင် ကြိုးစားရုန်းကန်ရမှာဖြစ်ပြီးတော့ လာသမျှ၊ ကြုံသမျှ အန္တရာယ်တွေကိုပါ ဖြေရှင်းနိုင်ဖို့အတွက် သင့်ကိုယ်သင်ပါ ဘက်စုံ Management လုပ်ရမယ့် RPG Survival ဂိမ်းကောင်းလေး တစ်ခုဖြစ်လာခဲ့တာပါ။

Survival ဂိမ်းဆိုတဲ့အတိုင်း အသက်ရှင်ဖို့အတွက် များစွာသော အန္တရာယ်တွေကြားထဲကမှ အစားသောက်နဲ့ပစ္စည်းတွေကို လိုက်လံရှာဖွေစုဆောင်းရမှာဖြစ်ပြီး လက်မှုအတက်ပညာတွေကိုပါ အချိန်စီမံခန့်ခွဲမှုနဲ့အတူ လေ့လာလိုက် ၊ ဖန်တီးလိုက် ပုံစံမျိုးလေး ကစားရမှာပါ။ 

တချို့သူတွေအတွက် သာမန်ဖြစ်ကောင်းဖြစ်နိုင်ပေမယ့် ဒီဂိမ်းကနေပေးတဲ့ Management ပုံစံလေးက တကယ်တွေးကြည့်မယ်ဆိုရင် အရမ်းလက်တွေ့ကြပြီး သင်ယူမှုမရှိပဲနဲ့ ပိုကောင်းတဲ့အရာ၊ ပိုကောင်းတဲ့ လုံခြုံမှုတွေကို မဖန်တီးနိင်ဖူးဆိုတာကို ပြပေးနေတဲ့ ဂိမ်းကောင်းလေးတစ်ခုပါ။ ကစားတဲ့သူက စစချင်းမှာ Level 0 ရှိအုံးမယ်ဆိုပေမယ့် သူ့မှာ ပင်ပန်းမှု၊ အစားသောက် ၊ ရေဓာတ် စတာတွေကို သေချာ စီမံပေးရပြီး ညရောက်တာနဲ့ Study ဆိုတဲ့ လက်မှုအတက်ပညာတွေကိုပါ အချိန်ပေးပြီး သင်ယူရတဲ့ ပုံစံမျိုးတွေကိုပါ သေချာထည့်ပေးထားတာကြောင့် သဘောကျစရာကောင်းနေတာပဲဖြစ်ပါတယ်။

လက်မှုပညာ တစ်ခုသင်ယူပြီးတိုင်း အသက်ရှင်ဖို့အတွက် နောက်ထပ် ပစ္စည်းအသစ်တွေကို ဖန်တီးလာနိုင်တာကြောင့် စစချင်းမှာ သစ်သားချောင်းနဲ့ အသက်ရှင်ရမယ်ဆိုရင်တောင် နောက်ပိုင်းမှာ သင်ယူမှုကနေ တဆင့် လက်နက်အကောင်းစားတွေထိပါ ကိုင်တွယ်လာနိုင်မှာပဲဖြစ်ပါတယ်။ Survival ဆိုတဲ့အတိုင်း အသက်ရှင်ဖို့အတွက် သင်ယူရင်းကနေ တစ်ဖက်မှာလည်း အသက်ရှင်ဖို့အတွက် အစားသောက်နဲ့ အနေထိုင်ကိုပါ သေချာ Management လုပ်သွားရမယ့် ဂိမ်းပုံစံလေးမလို့ သေချာတွေးဆော့ကြည့်မယ်ဆိုရင် တော်တော်လေး မိုက်တဲ့ ဂိမ်းကောင်းလေးတစ်ခုဖြစ်နေတာပါ။

တစ်ခုရှိတာက Survival ဂိမ်းတိုင်း ဒီလိုပုံစံမျိုးဆိုပေမယ့် ဒီဂိမ်းထဲမှာ ပါတဲ့ Craft စနစ်က အရင်ဆုံး Study မလုပ်ပဲ ဖန်တီးခွင့်မပေးတာကြောင့် တကယ့် လက်တွေ့ဘဝလိုမျိုး Resources ရှိရင်တောင် ဖန်တီးနိုင်တဲ့ ပညာမရှိသေးတဲ့အတွက် ကောင်းကောင်း Survive မလုပ်နိုင်ဘူးဆိုတဲ့ အဓိပ္ပာယ်ကို တစ်နည်းနည်းနဲ့ ဖော်ပြပေးနေတာပဲ ဖြစ်ပါတယ်။

ပြောရရင် ဂိမ်းရဲ့ ပုံစံလေးက ရိုးရိုးသာမန်လေးဆိုပေမယ့် တခြားရှုထောင့်ကနေ ကြည့်မယ်ဆိုရင် အရမ်းစိတ်ဝင်စားစရာကောင်းတာပြီး အရမ်းမိုက်တာကြောင့် Hello Fan တွေကိုလည်း မင်မင်လိုမျိုး ခံစားမိအောင် အခုလို ဖော်ပြပေးလိုက်တာပဲ ဖြစ်ပါတယ်။

ဂိမ်းရဲ့ ပုံစံက Survival အမျိုးစားတွေအတိုင်း ပစ္စည်းရှာမယ်၊ Stealth Kill လုပ်မယ်၊ Location တွေ တစ်ခုပြီးတစ်ခု Explore လုပ်ရင်းကနေ အကောင်တွေ တဖြည်းဖြည်းကြမ်းလာပြီး Level တက်လာလေလေ ၊ ပိုခက်လာလေလေ ဆိုတဲ့ ပုံစံမျိုးလေးအတိုင်း ကစားရမှာပဲဖြစ်ပါတယ်။ Story ကလည်း Delivery From The Pain ဆိုတဲ့အတိုင်း နောက်ထပ် ဘယ်လို NPC Character မျိုးတွေနဲ့ကြုံပြီး ဘယ်လိုဝမ်းနည်းစရာ ကောင်းအုံးမလဲဆိုတာကို ကိုယ်တိုင်ပဲ ကစားကြည့်လိုက်တော့နော်။

Game Information
Android version	8 . 0 +
Developer	HuaYi Game Studio
Network	Offline
Price	Free
App version	2.3.13
Release Date	Dec 15, 2018
Platform	Android / iOS

DOWNLOAD

HELLO YDB

#HELLOYDB #MOBILEGAME #GAMEREVIEW

Related Posts

• Will of Shinobi •        မကြာသေးခင်မှ ထွက်လာတဲ့ ဒီ Game လေးက Naruto Fan တွေတွက် သဘောကျစေမယ့် RPG Game တစ်ခုပါ။ Warring States Period ထဲမှာဘဲ ဖန်တီးထားတဲ့ ဇာတ်လမ်းတိုဖြစ်ပြီး Assassins တို့ Ninjas … Read More
• Cyberika         အခုမှ Alpha Test ဘဲရှိသေးတဲ့ ဒီ Game က Cyberpunk ဆော့ခြင်တဲ့သူတွေတွက် သဘောကျစေမှာဖြစ်သလို FPS မဟုတ်တာကလွဲရင် 2084 ခုနှစ် Cyber World ထဲမှာ သေချာ ဖန်တီးထားတဲ့ RPG game တစ်ခ… Read More
• Zengeon•       အခုမှ Test အဆင့်ဘဲရှိသေးတဲ့ ဒီ Game လေးက IndieLeague ကနေ ဖန်တီးပေးထားတဲ့ RPG Game တစ်ခုပါ။ Storyline Game လေးဖြစ်ပေမယ့် လောလောဆယ်တော့ Chinese Langauge ဘဲ Support ပေးသေးတာပါ… Read More
• Shadow Hunter Lost World•             အခုမှ Early Access ဘဲရှိသေးပြီး Adminကတော့ အတော်လေး သဘောကျတာပါ။ Game က အလားလာရှိပြီး Official မှာ Error လေးတွေ Fix သွားရင်တော့ အတော်ဆော့လို့ကောင်းမယ့် Game တစ်ခုပါ။ ဒ… Read More
• Guatdian's Odyssey            ထွက်ထားတာ တစ်ပတ်တောင် မရှိသေးတဲ့ GAME လေးဖြစ်ပြီး Unreal Engine သုံးထားတဲ့ Medieval အမျိုးစား Game တစ်ခုပါ။ တိုင်းပြည်ရဲ့ နောက်ဆုံး Guardian အနေနဲ့ကစားရမှာဖြစ်ပြီး အမှေ… Read More