𝐂𝐚𝐫𝐦𝐞𝐧 𝐒𝐚𝐧𝐝𝐢𝐞𝐠𝐨

• ဒီဂီမ်းက လက်ရှိအသစ်ထွက်ထားတဲ့ ဂိမ်းတွေထဲမှာတော့ မင်မင်သဘောအကျဆုံး ဂိမ်းတစ်ခုဖြစ်တဲ့အပြင် Gameloft ကနေပါ ပူးပေါင်း ပါဝင်ထားတာမလို့ အရမ်းသဘောကျကြမှာ သေချာပါတယ်။ နောက်ပြီး Carmen Sandiego ဆိုတာဟာ တကယ်ကို Legendary Character တစ်ယောက်ဖြစ်ပြီး သူမကြောင့် ကမ္ဘာတစ်ဝန်းက ကလေးနဲ့လူငယ်တွေရဲ့ Education Background ကို မြှင့်တင်ပေးခဲ့ရုံတင်မကပဲ လက်တွေ့ကျကျ တွေးခေါ်နိုင်တတ်ဖို့နဲ့ နိုင်ငံအသီးသီးရဲ့ Culture တွေကိုပါ ပိုရင်းနှီးအောင်လို့ ဆောင်ရွက်ပေးနိုင်ခဲ့တဲ့ Character တစ်ယောက်လည်းဖြစ်ပါတယ်။

➥ #𝐀𝐁𝐎𝐔𝐓_𝐆𝐀𝐌𝐄

အရင်ဆုံး ဂိမ်းအကြောင်းကို စမပြောခင်မှာ ကိုယ် ကစားမယ့် ဂိမ်းရဲ့ နောက်ကွယ်က သမိုင်းကြောင်းတွေကိုလည်း သိထားမှ ပိုစိတ်ဝင်စားစရာကောင်းမှာဆိုတော့ Carmen Sandiego ရဲ့ အောင်မြင်မှုတွေကို အနည်းငယ်အတိုချုံ့ပြောပြချင်ပါတယ်။

𝘾𝙖𝙧𝙢𝙚𝙣 𝙎𝙖𝙣𝙙𝙞𝙚𝙜𝙤'𝙨 𝘾𝙝𝙖𝙧𝙖𝙘𝙩𝙚𝙧 💃🔴

----------------------------------------------------

Carmen Sandiego ဆိုတာက Educational အပိုင်းတွေမှာ အရမ်းကို နာမည်ကြီးခဲ့တဲ့ ကောင်မလေးတစ်ယောက်ဖြစ်ပြီး သူမကို Broderbund ကနေ 1985 ခုမှာ စတင်ဖန်တီးခဲ့တာပဲဖြစ်ပါတယ်။ သူမရဲ့ သက်တမ်းက မင်မင်တို့ထက်တောင် အသက်ကြီးတဲ့အပြင် သူမရဲ့ အောင်မြင်မှုတွေဟာလည်း TV Shows တွေ၊ စာအုပ်တွေ၊ နောက်ဆုံး Animated Series ကိုတောင်မှ 1994 ကနေ Netflix ရဲ့ 2019 Reboot မှာအထိ အောင်မြင်မှုတွေ ရခဲ့တာပဲဖြစ်ပါတယ်။

➠ ဒါဆို 𝘾𝙖𝙧𝙢𝙚𝙣 𝙎𝙖𝙣𝙙𝙞𝙚𝙜𝙤 က ဘယ်လိုအချက်တွေကြောင့် နာမည်ကြီးလာတာလဲ ?

အရင်ဆုံးပြောရမယ်ဆိုရင် Carmen Sandiego ကို အရင်ကထွက်ခဲ့တဲ့ Classic Version နဲ့ နောက်မှ ထွက်တဲ့ Netflix Version ဆိုပြီး နှစ်မျိုးခွဲမြင်လို့ရပါတယ်။

1️⃣ 𝐂𝐥𝐚𝐬𝐬𝐢𝐜 𝐕𝐞𝐫𝐬𝐢𝐨𝐧 ( 𝐌𝐚𝐬𝐭𝐞𝐫 𝐓𝐡𝐢𝐞𝐟 )

Classic Version မှာဆိုရင် Carmen Sandiego ကို Villain တစ်ယောက်အနေနဲ့ မြင်တွေ့ရမှာဖြစ်ပြီး V.I.L.E. ဆိုတဲ့ (Villains' International League of Evil) အဖွဲ့စည်းတစ်ခုကို Leading လုပ်ခဲ့တဲ့ သူတစ်ယောက်လည်းဖြစ်ပါတယ်။

သူမက စုံထောက်အဖွဲ့စည်း တစ်ခုဖြစ်တဲ့ ACME တွေထက်ကို အမြဲ ခြေတစ်လှမ်းသာနေခဲ့တာကြောင့် သူမရဲ့ အသိဉာဏ်၊ အလှတရားနဲ့ Culture အရ စည်းစနစ်‌တွေကို လေးစားတတ်တဲ့ သူတစ်ယောက်အဖြစ်နဲ့ မြင်တွေ့ရတာပဲဖြစ်ပါတယ်။

ပြောရရင် သူမဟာ Villain တစ်ယောက်ဖြစ်တယ်ဆိုပေမယ့် ဘယ်သူ့ကိုမှ အသက်အန္တရာယ် ထိခိုက်အောင်မလုပ်ပဲ ခက်ခဲတဲ့အရာတွေကိုသာ စွန့်စွန့်စားစား ရအောင်ခိုးတတ်တဲ့ Super Smart Thief ကောင်မလေးတစ်ယောက်အနေနဲ့လည်း မြင်တွေ့နိုင်တာပဲဖြစ်ပါတယ်။ 

ဒီလို 1980 ဝန်းကျင်မှာထွက်ခဲ့တဲ့ သူမရဲ့ Classic Version ကြောင့် နောက်ပိုင်းထွက်ရှိခဲ့တဲ့ ဇာတ်လမ်း တော်တော်များများမှာလည်း သူမလို ဆင်တူတဲ့ Character မျိုးတွေ အများကြီး ထွက်ပေါ်လာခဲ့ပြီး Hollywood ကနေ Bollyawood အထိ အစုံမြင်တွေ့ခဲ့ရတာပဲဖြစ်ပါတယ်။

2️⃣ 𝐍𝐄𝐓𝐅𝐋𝐈𝐗 𝐕𝐞𝐫𝐬𝐢𝐨𝐧 ( 𝐀𝐧𝐭𝐢-𝐇𝐞𝐫𝐨𝐢𝐧𝐞 )

ဒုတိယ‌မြောက်ဖြစ်တဲ့ Netflix version မှာတော့ Villain ပုံစံမျိုးမဟုတ်တော့ပဲ သူမရဲ့ နောက်ကြောင်းကို အနည်းငယ် ပုံစံပြောင်းလဲခဲ့ပြီး V.I.L.E. မှာ ကြီးပြင်းခဲ့ရာက‌နေ နောက်ပိုင်းမှာ အဖွဲ့စည်းရဲ့ ယုတ်မာမှုတွေကို မခံနိုင်တော့တာကြောင့် သူမကိုယ်တိုင် အဖွဲ့စည်းက ခိုးလာတဲ့ပစ္စည်းတွေကို သူ့နေရာနဲ့သူ ပြန်လိုက်ထားပေးရာကနေ Anti-Heroine ပုံစံမျိုးအဖြစ်နဲ့ မြင်တွေ့လာရတာပဲဖြစ်ပါတယ်။

ဒီလောက်ဆိုရင် ဘာကြောင့် Carmen Sandiego ရဲ့ Character ဟာ ထူးခြားနေလဲဆိုတာကို General အနေနဲ့သိသွားလောက်ပြီလို့ ထင်ပါတယ်။

➥ #𝐆𝐀𝐌𝐄_𝐑𝐄𝐕𝐈𝐄𝐖

အခု ဒီဂိမ်းထဲမှာဆိုရင် သူမကို modern anti-heroine အသွင်အဖြစ်နဲ့ မြင်တွေ့ရမှာဖြစ်ပြီး လူဆိုးလည်းမဟုတ်၊ လူကောင်းလည်း မဟုတ်တဲ့ ခပ်မိုက်မိုက် ကောင်မလေးတစ်ယောက်ကိုမြင်တွေ့ရမှာပါ။ ( V.I.L.E ) ဆိုတဲ့ Villain အဖွဲ့စည်းဟာ နှစ်ပေါင်းများစွာငြိမ်သက်နေပြီးနောက်ပိုင်း ရုတ်တရက်ကြီး ကိုယ်ပျောက်ဂျက်လေယာဥ်တစ်စီးကို ခိုးယူသွားတာကြောင့် စုံထောက်အဖွဲ့စည်းတွေလည်း ပြာယာခက်ကုန်ကြပြီး အဆိုးဆုံးကတော့ ကိုယ်ပျောက်နည်းပညာကြောင့် ဘယ်လိုမှ အစရှာမရပဲကို ဖြစ်သွားခဲ့ပါတယ်။

အဲဒီအချိန်မှာ Carmen Sandiego က ဒီအမှုတွဲထဲကို ဝင်ရောက် ကူညီပေးဖို့ရာ ဆုံးဖြတ်လိုက်ပြီး 7 ရက်အတွင်း အဲဒီ အခိုးခံလိုက်ရတဲ့ ဂျက်လေယာဥ်ကြီးကို ပြန်လိုက်ရှာပေးရမယ့် ပုံစံလေး ကစားရမှာပဲဖြစ်ပါတယ်။ 

ဒီဂိမ်းမှာ သဘောကျစရာကောင်းတာက အဲဒီ သတ်မှတ်ထားတဲ့ Deadline အချိန်တွေကြောင့်ဖြစ်ပြီး 7 ရက်အတွင်းမှာတင် စုံစမ်းမှုတွေကို နာရီအလိုက် တိတိကျကျနဲ့ ပညာသားပါအောင် ဖော်ထုတ်ရမှာပဲဖြစ်ပါတယ်။ ဘယ်လိုမျိုးလဲဆိုရင် နိုင်ငံအနှံ့ကို ခရီးထွက်ပြီး စုံစမ်းရမှာဖြစ်တာကြောင့် တစ်နိုင်ငံနဲ့တစ်နိုင်ငံ ဖြတ်ကူးရတဲ့နေရာမှာ ပေးရမယ့် ကြာချိန်ရယ်၊ အဲဒီနိုင်ငံကို ရောက်လို့ စုံစမ်းရမယ့် ကြာချိန်တွေကို သေချာ ဂရုတစိုက်နဲ့ ဆော့ပေးရမှာပဲဖြစ်ပါတယ်။ 

ဘာကြောင့်လဲဆိုတော့ သဲလွန်စအရ ဖြစ်နိုင်ချေတွေများတာမလို့ ကိုယ့်မှာ စုံထောက်ဉာဏ် ရှိရင်ရှိသလို ကစားရတာ ပိုပျော်စရာကောင်းလာမှာပဲဖြစ်ပါတယ်။

ဒါတင်ပဲလားဆိုတော့ မကသေးပါဘူး။ ရလာတဲ့ သဲလွန်စနဲ့ စကားဝှက်တွေကို အဓိပ္ပာယ်ဖော်ပြီး သူခိုးကိုလည်း ရအောင် ဖော်ထုတ်ရမှာဖြစ်တာကြောင့် တစ်နေရာပြီး တစ်နေရာ စုံစမ်းလို့ ရလာတာနဲ့အမျှ သူခိုးရဲ့ ရုပ်လုံးဟာလည်း တဖြည်းဖြည်းနဲ့ ရုပ်လုံးပေါ်လာမှာပဲ ဖြစ်ပါတယ်။

နောက်ပြီး ဗဟုသုတရစရာကောင်းတဲ့အချက်က နိုင်ငံအစုံရဲ့ Culture တွေကိုပါ ပူးတွဲ လေ့လာလို့ရတာကြောင့် ကစားရတာ Education Game လို့တောင်မထင်ရတဲ့အထိ Action ဆန်ဆန်လေးတွေနဲ့ Puzzle ကိုမှ Unique ဖြစ်အောင် ပေါင်းစပ်ပေးထားတာမလို့ အရမ်းသဘောကျကြမှာ သေချာပါတယ်။

နောက်ဆုံးအနေနဲ့ ချုံပြောရမယ်ဆိုရင်တော့ ဂိမ်းက Educational Type လို့ ပြောရင်တောင်မှ မင်မင်ကတော့ Mobile Game တစ်ခုအနေနဲ့ တော်တော်ကြီးသဘောကျမိတယ်လို့ ပြောချင်ပါတယ်။ အထူးသဖြင့် Animation Movie တစ်ခုကို ကြည့်နေရသလိုအထိကို အရမ်းသဘောကျမိတာကြောင့် Graphic တွေ၊ Gameplay တွေအပြင် Story driven လုပ်ထားတာတွေကအစ စိတ်ဝင်စားစရာကောင်းနေတာပဲဖြစ်ပါတယ်။

တစ်ခုရှိတာက အနောက်နိုင်ငံအနေနဲ့ဆိုရင်တော့ ကလေးတွေ အတော်လေးသဘောကျနိုင်တယ်ဆိုပေမယ့် ၊ ကိုယ်တွေအခြေနေနဲ့ဆိုရင်တော့ လူငယ်ပိုင်းတွေလောက်သာ ပိုသဘောကျမယ်လို့ ထင်မိတယ်။ ဘာကြောင့်လဲဆိုတော့ ဘာသာစကားအခက်ခဲလေးတွေရှိနိုင်တာကြောင့် တစ်ချို့ စကားထာလေးတွေမှာ ကလေးတွေအတွက် နားလည်ဖို့ နည်းနည်းခက်မယ်လို့ သုံးသပ်မိတယ်။ 

ဒါပေမယ့် တကယ်ဆော့ချင်ရင်တော့ အ‌ဖြေရှာရမှာပဲမဟုတ်လား။ Game လည်း ဆော့ ၊ English စာလည်း တိုးတက်တဲ့အပြင် General Knowledge ပါ ရအုံးမှာဆိုတော့ စဉ်းစားမနေပဲ အခုပဲဆော့ကြည့်လိုက်တော့နော်။

Game Information
Android version	8 . 0 +
Developer	Netflix
Network	Offline
Price	Netflix Premium
App version	2.3.13
Release Date	Jan 9, 2025
Platform	Android / iOS

DOWNLOAD

HELLO YDB

#HELLOYDB #MOBILEGAME #GAMEREVIEW

Related Posts

• Red Shoes Wood Bear Worldဒီ Red Shoes Game လေးက မကြာသေးခင်ကမှ Official ထွက်လာတာဖြစ်ပြီး Android ကော iOS မှာပါ ဆော့ကစားနိုင်မယ့် တောင်ကိုရီးယားအခြေစိုက် Casual Game ကောင်းလေးတစ်ခုပါ။ သဘောကျစရာကောင်းတာက အခု … Read More
• Sclerosis Mobileဒီတစ်ခါ အသစ်ထွက်လာတဲ့ Game က လုံးဝကို မထင်ထားသလို မင်မင်ကိုယ်တိုင်လည်း အရမ်းလည်း Suprise ဖြစ်မိတယ်။ PC ရဲ့ နာမည်ကြီး Horror Game တစ်ခုကို Mobile ပေါ်မှာ Full Experiment နီးနီးဆော့ရ… Read More
• Horror Brawl° ဒီနေ့ Official ထပ်ထွက်လာတဲ့ နောက်ထပ် Game လေးကတော့ Horror Game တွေအထုတ်များတဲ့ Keplerians ရဲ့ ပထမဦးဆုံး Online Multiplayer Game လေးတစ်ခုပါ။ အရင် Beta ကတည်းက Fan တွေလည်… Read More
• Slender The Arrival° ဒီလ 13 ရက်နေ့ကြမှာ Official ထွက်မယ့် Game တစ်ခုဖြစ်ပြီး HELLO Fan တွေကတော့ Time Travelers တွေ အနေနဲ့ အစောဆုံး ဆော့ခွင့်ရတော့မှာပါ။ စတာနော် တကယ်ဆော့စေခြင်လွန်းလို့ တင်ပ… Read More
• RobloxRoblox Game ဟာ USA အခြေစိုက် Developer တွေကနေ ဖန်တီးပေးထားပြီး Platforms အတော်များများမှာ ယခုချိန်ထိ ကလေးလူကြီးမရွေး လူကြိုက်များနေတဲ့ Sandbox Game တစ်ခုပါ။ ဒါပေမယ့် အခု နာမည်ကြီး … Read More