𝐃𝐞𝐥𝐞𝐚𝐫𝐧𝐢𝐚: 𝐅𝐫𝐚𝐜𝐭𝐢𝐨𝐧 𝐨𝐟 𝐇𝐨𝐩𝐞

• ဒီတစ်ခါ ဂိမ်းအသစ်လေးကတော့ ငယ်ငယ်က Trauma တွေကို ပျော်စရာတွေအဖြစ်နဲ့ ပြောင်းလဲသွားစေမယ့် အမိုက်စား ဂိမ်းကောင်းလေးတစ်ခုဖြစ်ပြီး မင်မင်ကိုယ်တိုင်တောင် အရမ်းသဘောကျနေမိလို့ တစ်ထိုင်တည်း ကစားဖြစ်နေတဲ့ ဂိမ်းလေးဆိုရင်လည်း မမှားပါဘူး။ ဘာလို့ဆို ငယ်ငယ်က သင်လေ ချာလေဖြစ်ခဲ့တဲ့ သင်္ချာ Fraction တွေအကြောင်းကို Puzzle လေးနဲ့ ပေါင်းစပ်ပြီး Adventure ဆန်ဆန် ပုံစံလေးနဲ့ ဖန်တီးထားတာကြောင့် လုံးဝကို ကစားကြည့်ဖူးသင့်တဲ့အထဲမှာပါဝင်ပါတယ်။

#𝐆𝐀𝐌𝐄_𝐑𝐄𝐕𝐈𝐄𝐖

ဒီတော့ သေချာပေါက် ဒီဂိမ်းက သင်္ချာကြောက်တဲ့ သူတွေဆိုရင် တန်းကျော်သွားကြမှာ သိပေမယ့် တကယ်က အဲလိုကြောက်တတ်တဲ့သူတွေအတွက် ပိုလို့တောင် ကစားကြည့်သင့်တဲ့ ဂိမ်းလေးလို့ ပြောချင်ပါတယ်။ ဘာလို့ဆို ငယ်ငယ်က ကျောင်းစာတွေမှာ သင်ခဲ့ရတဲ့ သင်္ချာဘာသာဆိုတာက လက်တွေ့ထက် ၊ စာတွေ့တွေနဲ့ပဲ သင်ယူခဲ့ကြရတာများနေတော့ တကယ့်လက်တွေ့ဘဝမှာ ဘယ်လိုအသုံးချနိုင်တယ်ဆိုတာကို နားမလည်ခဲ့ကြပါဘူး။ ဂဏန်းပြီးရင်း ဂဏန်း၊ ပုစ္ဆာပြီးရင်း ပုစ္ဆာ၊ Formula ပြီးရင်း Formula ဆိုတော့ သင်လေ ချာလေ ၊ တွက်လေ ပျင်းလေဆိုတာမျိုးကို အကုန်နီးပါး ခံစားခဲ့ကြရမှာ အသေချာပါပဲ။ ဒါတောင် တွက်စာကို အလွတ်ကျက်တတ်တဲ့ သင်္ချာပေါင်မုန့်ဖုတ်တွေက သီးသန့်ကို ရှိကြသေးတယ်နော်။

#Story

အဲတော့ ပြောချင်တာက သင်္ချာဆိုရင် ဝိုင်းကြီးပတ်ပတ်ဒူဝေဝေဖြစ်နေတဲ့ သူတွေအတွက် ဒီဂိမ်းလေးက ဘယ်လို ပျော်စရာကောင်းတဲ့ Vibe မျိုးလေးကို ယူဆောင်လာပေးမလဲဆိုရင် ဒီ Delernia ဆိုတဲ့ ကမ္ဘာလေးမှာ အသိပညာကြွယ်ဝတဲ့ သက်ရှိလေးတွေ နေထိုင်ကြပြီး Mathemagica ဆိုတဲ့ ကိန်းဂဏန်းတွေကို အခြေပြုထားတဲ့ မှော်ပညာလေးတစ်ရပ်ဟာလည်း ထွန်းကားခဲ့ပါတယ်။

သူတို့ရဲ့ ကိန်းဂဏန်းတွေဟာ ရိုးရှင်းတဲ့နံပါတ်တွေအပေါ်မှာပဲ မှီခိုထားတာကြောင့် အရာရာဟာ လွယ်လွယ်ကူကူ Balance ဖြစ်နေခဲ့ပေမယ့် တစ်နေ့မှာတော့ အရမ်းတော်တဲ့ ဘုရင်ကြီးဟာ အဲဒီ ရိုးရှင်းတဲ့ 0 နဲ့ 1 ကြားက Fractions ကိန်းဂဏန်းတွေကို ပထမဆုံးအနေနဲ့ ရှာဖွေတွေ့ရှိခဲ့ပါတယ်။ အဲဒီမှာ ဘုရင်က အငြိမ်မနေတော့ သူရှာတွေ့ခဲ့တဲ့ Fractions ကိန်းဂဏန်းတွေကို အကုန်လုံး တားနေတဲ့ကြားက မှော်ပညာထဲမှာ ထည့်သွင်း အသုံးပြုလိုက်ပြီး နောက်ဆုံးမှာတော့ ပုံမှန်ဖြစ်နေတဲ့ ကိန်းဂဏန်းတွေဟာ Fractions ကြောင့် အပိုင်းပိုင်းတွေဖြစ်ကာ မှော်ပညာတွေပါ ပြောင်းလဲသွားတာကြောင့် တစ်တိုင်းပြည်လုံးပါ ဒုက္ခရောက်ကုန်တာပဲဖြစ်ပါတယ်။

ဘုရင်ကောင်းမှု အကြောင်းပြုပြီး တိုင်းသူပြည်သားတွေပါ တိုင်ပတ်နေကြတဲ့အချိန်မှာ သင်ကပါ အတိတ်မေ့ပြီး အဲဒီ တိုင်ပတ်တဲ့ အထဲကို တည့်တည့်ဝင်လာခဲ့တာမလို့ ဂိမ်းရဲ့ ဇာတ်လမ်းလေးကတော့ သိတဲ့အတိုင်း ဘုရင်လက်တည့်စမ်းထားတဲ့ မှော်သင်္ချာတွေကို မှော်ဆန်စွာနဲ့ပဲ ဖြေရှင်းပေးရမှာဖြစ်ပါတယ်။

#gameplay

နောက်ပြီး ဒီဂိမ်းကို ဖန်တီးထားတဲ့ Level Design ကပါ တကယ်ကို ပညာသားပါပါနဲ့ Fractions တွေအကြောင်းကို နားလည်အောင် ဒီဇိုင်းဆွဲပေးထားတာမလို့ ကစားရတာ လုံးဝပျင်းစရာမကောင်းပဲ ပိုပြီးတော့တောင် Brain Challenge ဖြစ်နေခဲ့တာပါ။ Gameplay က 3D Platform ပုံစံမျိုးဖြစ်ပြီး တစ်နေရာနဲ့ တစ်နေရာ ဖြတ်သန်းနိုင်ဖို့အတွက် အပိုင်းစဖြစ်နေတဲ့ ကျောက်တုံးတွေကို Fractions ကိန်းဂဏန်းတွေနဲ့ တွက်ချက်ပြီး လမ်းတွေကို တည်ဆောက်ပေးရမှာပဲဖြစ်ပါတယ်။ သာမန်လို့ ထင်ရပေမယ့် တကယ်ဆော့ကြည့်ရင် တော်တော်လေးအထာကျတာကို ခံစားရလိမ့်မယ်။

#personal

ပြီးတော့ တကယ်တွေးကြည့်မယ်ဆိုရင်လည်း သုညနဲ့ တစ်ကြားမှာ ပေါ်ထွက်လာတဲ့ ဒီ proper fractions တို့၊ နောက်ပြီး improper fractions တို့လို Structure မျိုးတွေက အခုဂိမ်းလေးရဲ့ concept နဲ့ တကယ်လိုက်ဖက်ပြီး အပိုင်းပိုင်းဖြစ်သွားတဲ့ အသိဉာဏ်တွေ၊ အရာဝတ္တုတွေကို Fraction နည်းနဲ့ ပြန်လည် အသုံးချပြီး တစ်ခုတည်း ၊ တစ်ပိုင်းတည်း နဂိုအတိုင်း ပြန်ဖြစ်အောင်လို့ အဓိပ္ပာယ်ဖော်ဆောင်ပေးထားတဲ့ ဂိမ်းလေးပဲ ဖြစ်ပါတယ်။

တကယ်တကယ် အရမ်းစိတ်ဝင်စားစရာကောင်းတာကြောင့် ကလေးနေနေ ၊ လူကြီးနေနေ ၊ လူငယ်တိုင်း ဒီဂိမ်းလေးကို Serious မဖြစ်တောင် ကစားကြည့်သင့်တယ်လို့ မင်မင်ကတော့ အကြံပေးချင်မိတယ်။ ဘာလို့ဆို တစ်ချိန်က ကိုယ့် Brain က ဒီလုိ အံ့ြသစရာကောင်းတဲ့ အချက်လက်တွေကို မှတ်ထားနိုင်ခဲ့သမျှ၊ အခုလို လက်တွေ့ဘဝမှာ ဘယ်လိုအသုံးချနိုင်ကြောင်းကို သိလိုက်ရတဲ့အချိန်မှာ လုံးဝကို ခံစားရတဲ့ Feeling က အရမ်းမိုက်တယ်ဆိုတာ သိသွားလိမ့်မယ်။ တကယ်လက်တွေ့မှာ အသုံးချနိုင်ကြတဲ့ သူတွေကို မပြောဖူးနော်။ တကယ် သိထားရက်နဲ့ အလှမ်းဝေးသွားတဲ့ သူလေးတွေကို ပြန် Recall ဖြစ်စေချင်တာပါ။ ဒီလို ဂိမ်းနဲ့ လက်တွေ့နားလည်အောင် ရှင်းပြတာလောက် ရိုးရှင်းတာမရှိတော့ဘူး။

ဒါကြောင့် အရင်ကလို စာပြီးရင်း စာမဟုတ်တော့ပဲ၊ အခုကြတော့ ဂိမ်းကို နိုင်ချင်လား ? နောက်တစ်ခန်းကို မြင်ချင်လား ? ဒါဆိုရင် ဒီ Fraction Puzzle ကို နားလည်အောင်လုပ်ပြီး ရအောင်ဖြေရှင်းဆိုတာမျိုးလေး စိန်ခေါ်ပေးထားတာမလို့ တကယ် ပညာယူတတ်မယ်ဆိုရင် အရမ်းသဘောကျစရာကောင်းနေတာပဲဖြစ်ပါတယ်။ 

နောက်ပြီး ဂိမ်းကလည်း ကစားတဲ့သူတွေကို အဆင်ပြေအောင်လို့ Difficulty 3 မျိုးထည့်သွင်းပေးထားပြီး Puzzle မရှင်းပဲ ပေါ့ပေါ့ပါးပါးဆော့ချင်လား ၊ Puzzle နည်းနည်းနဲ့ သာသာယာယာဆော့ချင်တာလား နောက်ဆုံး လုံးဝ Fraction ကိန်းတွေကို အရမ်းကျွမ်းလို့ ရှယ်ကြုံးချင်တဲ့သူတွေအတွက်လည်း Hard အဆင့်ဆိုတာမျိုးကိုလည်း ထည့်သွင်းပေးထားတာပဲဖြစ်ပါတယ်။ Character ကအစ Customize လုပ်လို့ရသလို Dialogue တွေမှာလည်း Choice လေးတွေရှိနေတာကြောင့် ဇာတ်လမ်းသေချာနားလည်ချင်တယ်ဆိုရင် သေချာလေးဆော့ကြည့်ဖို့ရာ အကြံပေးချင်ပါတယ်။

#Summary

ဒီတော့ အခုဂိမ်းလေးနဲ့ပတ်သတ်ပြီး ချုံပြောရမယ်ဆိုရင် ဘာမှမတွေးပဲ ကိုယ်တိုင် ကောက်ဆော့ကြည့်လိုက်ဖို့ရာပဲ တိုက်တွန်းချင်ပါတယ်။ သင်လေ ချာလေ ပုံစံမျိုးမဟုတ်ပဲ ၊ ပိုသိလေ ပိုပျော်စရာကောင်းလေ ဆိုတဲ့ ပုံစံမျိုးလေး ဖြစ်တာကြောင့် ဂိမ်းလည်းဆော့ရင်း အသိဉာဏ်တွေပါ အထောက်ကူပြုစေမယ့် အခုလို ဂိမ်းမျိုးလေးကို လက်မလွတ်ကြဖို့ရာ အသိပေးလိုက်ရပါတယ်။ 

Game Information
Android version	8 . 0 +
Developer	Win or Learn
Network	Offline
Price	Paid
App version	1.0
Release Date	Feb 4, 2025
Platform	Android / iOS

DOWNLOAD

HELLO YDB

#HELLOYDB #MOBILEGAME #GAMEREVIEW