𝐎𝐮𝐭𝐥𝐢𝐯𝐞𝐫 : 𝐓𝐫𝐢𝐛𝐮𝐥𝐚𝐭𝐢𝐨𝐧

ကဲ မင်မင်လည်း ပြန်လာပြီဆိုတော့ ထုံးစံအတိုင်း Horror game တွေထဲကမှ Zombie တွေ၊ သရဲတွေကို ရိုးအီနေတဲ့ Fan တွေအတွက် လုံးဝကို fresh ဖြစ်ပြီး Unique ဖြစ်‌စေမယ့် ဂိမ်းအသစ်‌လေးတစ်ခုကို ပြောပြပေးမယ်နော်။

𝐎𝐮𝐭𝐥𝐢𝐯𝐞𝐫 : 𝐓𝐫𝐢𝐛𝐮𝐥𝐚𝐭𝐢𝐨𝐧

အရင်ဆုံး ပြောပြချင်တာက ဒီဂိမ်းကို ဖန်တီးထားတဲ့သူတွေက အမေရိကန်တို့၊ ဂျပန်တို့က နာမည်ကြီး Developer မျိုးတွေမဟုတ်ဘဲ... နိုင်ဂျီးရီးယားနိုင်ငံက Gbrossoft ဆိုတဲ့ indie studio လေးကနေ ဖန်တီးထားတာပဲဖြစ်ပါတယ်။

🇳🇬 မသိမှာစိုးလို့ ဟုတ်ပါတယ်၊ အာဖရိကတိုက်ကပါနော်။

ဒါကြောင့် ဒီဂိမ်းထဲမှာ Fan တွေ ရင်ဆိုင်ရမှာက သရဲတွေ ၊ ဖုတ်ကောင်တွေကို မဟုတ်ပဲ အာဖရိကရဲ့ ရှေးဟောင်းဒဏ္ဍာရီတွေထဲက တစ်ခါမှမမြင်ဖူးတဲ့ ကြောက်စရာနတ်ဆိုး ပုံစံမျိုးတွေကို ရင်ဆိုင်ရမှာပဲဖြစ်ပါတယ်။ 👹 စဉ်းစားကြည့်ရင်... ကိုယ်လုံးဝမသိတဲ့ ပုံပြင်တစ်ပုဒ်ထဲကို ရောက်သွားပြီး အဲ့ဒီထဲက နတ်ဆိုးတွေနဲ့ ရင်ဆိုင်ရမယ်ဆိုတဲ့ ခံစားချက်မျိုးက လက်ရှိ တခြား Mobile Horror Concept တွေထက်တော့ Unique ဖြစ်တယ်လို့ မြင်မိတယ်။

နောက်ပြီး အမှတ်ရစရာ ဆောင်ပုဒ်လေးတစ်ခုကို ပြန်ပြောရမယ်ဆိုရင် ထိုင်းဟာသလေးတစ်ခုမှာ " ငါတို့ အာဖရိကမှာ သရဲမရှိဘူးဆိုတဲ့ " ဟာသလေးတောင် သွားသတိရမိတယ်။ ဒါပေမယ့် ဒါက နတ်ဆိုးတွေနော် ၊ သရဲတွေမဟုတ်ဘူး။

ဂိမ်းပုံစံက Bolanle ဆိုတဲ့ မိန်းကလေး စစ်သားတစ်ယောက်နေရာကပါဝင်ရမှာဖြစ်ပြီး အာဖရိကရဲ့ ဒဏ္ဍာရီဆန်ဆန်ကမ္ဘာကြီးထဲမှာ ပျောက်ဆုံးသွားတဲ့ သူမရဲ့ ရဲဘော်တွေကို လိုက်ရှာရမှာပဲဖြစ်ပါတယ်။ Third Person Shooter အမျိုးစားမလို့ Resident Evil တို့လို Vibe မျိုးကို ခံစားရတယ်ဆိုပေမယ့် သူက Night Vision တွေနဲ့ပါ Environment တစ်ခုလုံးကို လိုက်လံစူးစမ်းရတာဆိုတော့ Treasure Hunting လိုမျိုး Adventure Feeling မျိုးလေးတောင် ခံစားမိတယ်။ 

စွမ်းအင်ကျောက်‌တုန်းတွေကို လိုက်ရှာပြီး ကန့်သတ်ထားတဲ့နေရာတွေကို ရှာဖွေရသလို ၊ တစ်ခါတစ်လေ Puzzle တွေ လုပ်ရင်းကနေ မထင်ထားတဲ့ နတ်‌ဆိုးတွေကြောင့်ပါ ပြာယာခက်ပြီး ဘယ်ပြေးလို့ ပြေးရမှန်းမသိဖြစ်နေတတ်ပါတယ်။ အကြောင်းကတော့ မြေပုံက Real Time ပြမထားတော့ တွေ့ကရာ ဝင်ပြေးပြီး ဝူးရှူးဝါးရှား ရမ်းပစ်နေရတာမျိုး။ 

Overall ပြောရရင် နာမည်ကြီး Company တွေရဲ့ လက်ရာမဟုတ်တော့ တအားကြီး မသေသပ်ပေမယ့် ဆော့ရတဲ့ Concept နဲ့ Feeling က Mobile Gamer တွေအတွက်တော့ အတွေ့ကြုံအသစ်တစ်ခု ဖြစ်စေမယ်လို့ မြင်မိတယ်။ Physics Engine သုံးထားတာကလဲ ကျန်တာတွေ ဆိုးရင် နေပါစေ ၊ Character ရင်ဘက်တွေအထိ သဘာဝကျကျ လှုပ်ရှားမှု‌တွေ ထည့်ထားတာဆိုတော့ ယောကျာ်းလေးတွေ အကြိုက်လို့တောင် ပြောလို့ရတယ်။ 

နောက်ဆုံးအနေနဲ့ ပြောရရင် ဂိမ်းထဲက နောက်ခံစကားပြောသံတွေအထိတောင် နိုင်ဂျီးရီးယားလေယူလေသိမ်းစစ်စစ်နဲ့ အသံသွင်းထားတာမလို့ Developer တွေ တော်တော်အားစိုက်ထားတဲ့ ဂိမ်းတစ်ခုလို့ ပြောချင်ပါတယ်။ 

ကဲ... HELLO YDB က Fan တွေရော ဒီလို အာဖရိကဒဏ္ဍာရီနောက်ခံနဲ့ horror game မျိုးကို စိတ်ဝင်စားကြလား? Comment မှာ ကိုယ့်ရဲ့ထင်မြင်ချက်လေးတွေ ပြောပြခဲ့ပါဦး ။

System Requirements
Android Version	6.0
Size	534 MB
Developer	GBROSSOFT
Network	Offline
Platform Type	Android / PC
Version	1.8.5.3

Direct Download