𝐁𝐞𝐧𝐝𝐲 𝐚𝐧𝐝 𝐭𝐡𝐞 𝐃𝐚𝐫𝐤 𝐑𝐞𝐯𝐢𝐯𝐚𝐥

လွန်ခဲ့တဲ့ ၁၉၃၀ ခုနှစ်တုန်းက ကျွန်မရဲ့အဖြစ်ပျက်ကို ပြောရမယ်ဆိုရင် အခုစာဖတ်နေတဲ့သူတွေ တစ်ချိန်က ကြိုက်နှစ်သက်ခဲ့တဲ့ black & white ကာတွန်းလေးတွေဆိုတာက ကျွန်မ ဝါသနာအပါဆုံး အသက်မွေးဝမ်းကြောင်းတစ်ခုဖြစ်ခဲ့တာပါ။ အခုလို Digital ခေတ်ကြီးမဟုတ်ခဲ့တော့ ကိုယ့်ရဲ့ စိတ်ကူးတွေကို ရုပ်လုံးပုံပေါ်အောင်လို့ တစ်ပုံချင်းစီ Frame by Frame အချိန်အကြာကြီး လက်နဲ့ရေးဆွဲခဲ့ရတဲ့ ခေတ်တစ်ခုဆိုရင်လဲ မမှားပါဘူး။

အဲဒီခေတ်တုန်းကဆိုရင် မှင်ဆိုတာက ကျွန်မအတွက်တော့ တန်ဖိုးအထားဆုံးနဲ့ Trauma အရဆုံး ဒြပ်ဝတ္ထုပစ္စည်းတစ်ခု ဖြစ်ခဲ့ပါတယ်။ ဘာကြောင့်လဲဆိုတော့ ၁၉၃၀ ဝန်းကျင်တုန်းက နာမည်ကြီး Animation Studio တိုင်းရဲ့ အောင်မြင်မှုနောက်ကွယ်မှာဆိုရင် ကျွန်မတို့လို့ အနုပညာဖန်တီးရှင်တွေရဲ့ ပင်ပန်းဆင်းရဲမှု‌တွေ၊ အလုပ်ခွင် ဖိအားပေးမှုတွေနဲ့အတူ မှင်အဆိပ်သင့်ခြင်းလို့ တင်စားရလောက်တဲ့အထိ ကျန်းမာရေး ထိခိုက်မှု‌တွေ၊ စိတ်မလုံခြုံမှုတွေ အများကြီးဖြစ်ပျက်ခဲ့ပါတယ်။

အဲဒီလူတွေထဲကမှ အဆိုးဆုံးကို ပြောပြပါဆိုရင်တော့ အခုစာကို ရေးနေတဲ့ ကျွန်မရဲ့ အဖြစ်ပျက်ပါပဲ။ အဲဒီနေ့က ကျွန်မဟာ မပြီးမြောက်သေးတဲ့ ဇာတ်ကောင်လေးတစ်ခုကို စိတ်နှစ်ရေးဆွဲရင်း ညဘက် အိမ်ပြန်ချိန်နောက်ကျနေတာကို သတိမထားမိခဲ့ပါဘူး။ နာရီကို ကြည့်လိုက်တော့မှ အလုပ်ရုံကလူတွေတောင် တစ်ယောက်မှ မရှိတော့တာကို သတိမူခဲ့မိတာပါ။ ဒီလိုနဲ့ ကျွန်မလဲ တစ်ယောက်တည်းရှိတယ်အထင်နဲ့ အိမ်ပြန်တဲ့အချိန်မှာ Wilson ဆိုတဲ့ ရုံးက ဦးလေးကြီးတစ်‌ယောက်နဲ့ ဓာတ်လှေကားမှာ စုံခဲ့ပါတယ်။

ပုံမှန်ဆိုရင် ကျွန်မက ဖော်ရွေတတ်တဲ့သူဆိုပေမယ့် အဲဒီနေ့က သူကျွန်မကို ပြောတဲ့စကားလုံးတွေဟာ အတော်လေးကို ထိတ်လန့်စရာကောင်းခဲ့ပါတယ်။ " အရမ်းလှလာတယ် ၊ တစ်ယောက်တည်းလား "ဆိုတဲ့ စကားလုံးတွေက မိန်းမသားဖြစ်တဲ့ ကျွန်မအတွက်တော့ ကူရာမဲ့အခြေနေတစ်ခုကို လက်တွေ့ရင်ဆိုင်ခဲ့ရတာပါ။ တစ်ရုံးလုံးမှာ ကျွန်မတို့ နှစ်ယောက်ပဲရှိတော့တာမလို့ ဘာပဲဖြစ်လာဖြစ်လာ ရင်ဆိုင်ဖို့ ကျွန်မ စိတ်ဆုံးဖြတ်ခဲ့ပေမယ့်.. 

အသင့်မဖြစ်သေးတဲ့ လောကကြီးတစ်ခုက ကျွန်မဘဝထဲကို ငရဲခန်းတစ်ခုအဖြစ်နဲ့ ဝင်ရောက်လာခဲ့ပါတယ်။ အစက ကျွန်မကိုယ်ကျွန်မ ရှင်တို့လို လူတွေထဲက လူတစ်ယောက်လို့ ထင်ခဲ့မိတာ။ ဒါပေမယ့် အမှန်တရားက အမြဲ ခါးသီးတာပဲမဟုတ်လား...

ကျွန်မ ဘာတွေကြုံခဲ့ရလဲဆိုတာကို ကိုယ်တိုင် ခံစားကြည့်ချင်ရင် အောက်ဆုံးက မင်မင်ဆိုတဲ့ လူတစ်ယောက်ရဲ့ review တွေကို ဖတ်မကြည့်ပဲ ‌ဗလာဖြစ်နေတဲ့ ရှင်တို့ခေါင်းထဲ သိချင်စိတ်တွေကို ကျွန်မနေရာကနေ လိုက်ခံစားကြည့်ပါလား။

ဒီလိုဆို ဆက်မဖတ်နဲ့တော့ အခု Link ထဲကနေ ကိုယ်တိုင် ဝင်ကစားကြည့်လိုက်တော့...ဂိမ်းထဲကနေ စောင့်နေမယ်။

၁၉၂၀-၃၀ ဝန်းကျင်က Mickey Mouse တို့ Popeye တို့လိုမျိုး အဖြူအမည်း ကာတွန်းတွေကို မှတ်မိကြဦးမယ်ဆိုရင် အဲဒီခေတ်တုန်းက ကာတွန်းရုပ်ပုံတွေက ချစ်ဖို့ကောင်းတယ်လို့ ထင်ခဲ့ရသ‌လောက် အခုခေတ်လိုမျိုးမှာ သေချာပြန်ကြည့်ကြည့်မယ်ဆိုရင် နည်းနည်းတော့ Creepy ဖြစ်စေတဲ့ Vibe မျိုးလေးကို ခံစားရမှာပါ။ 

Artist တွေရဲ့ အိမ်မက်ဆိုးလို့‌ ပြောလို့ရ‌လောက်တဲ့ ကိုယ်ဆွဲထားတဲ့ ကိုယ့်ရဲ့ လက်ရာ ကာတွန်းရုပ်တွေက ကိုယ့်ကိုပြန်သတ်ဖို့ အသက်ဝင်လာမယ်ဆိုရင် ဘာဆက်လုပ်မလဲ?

ရိုးရိုး‌ ရေနစ်ရင်တောင် တအားမွန်းတာ၊ မှင်ရည်ထဲ နစ်သွားရင်တော့ အဲဒီမွန်းကြပ်မှုက တကယ်ကို ပြောမပြတတ်အောင် အဆိုးတကာ အဆိုးဆုံးပါပဲ။ ဒါပေမယ့် ကိုယ်က သတ္တိရှိတယ်၊ အဲလို ခံစားမှုတွေက အသာလေးပါဆိုရင်တော့ ဒီနေ့ ပြောပြပေးသွားမယ့် ဂိမ်းလေးက 

𝐁𝐞𝐧𝐝𝐲 𝐀𝐧𝐝 𝐓𝐡𝐞 𝐃𝐚𝐫𝐤 𝐑𝐞𝐯𝐢𝐯𝐚𝐥 ပဲဖြစ်ပါတယ်။

ဒါကတော့ Horror Game လောကမှာ တော်တော်လေးကို နာမည်ကြီးခဲ့တဲ့ Bendy and the Ink Machine ရဲ့ နောက်ဆက်တွဲ Bendy and the Dark Revival ဖြစ်ပြီး

ဒီတစ်ခေါက်မှာတော့ ပထမဂိမ်းတုန်းကလို Henry အနေနဲ့ မဟုတ်တော့ဘဲ Audrey ဆိုတဲ့ Animator ကောင်မလေး တစ်ယောက် နေရာကနေ ကစားရမှာပါ။

ဇာတ်လမ်းကို ပြောပြရမယ်ဆိုရင် Audrey ဟာ ရုံးဆင်းချိန် နောက်ကျပြီး အလုပ်လုပ်နေတုန်း မထင်မှတ်ဘဲ Ink Machine ရဲ့ မှင်ကမ္ဘာထဲကို ဆွဲခေါ်ခြင်း ခံလိုက်ရပါတယ်။ အဲဒီမှာ ကြောက်မက်ဖွယ်ကောင်းတဲ့ မှင်တစ္ဆေလို နတ်ဆိုးတွေ ရန်ကနေ လွတ်မြောက်ဖို့ ကြိုးစားရင်းကနေ သံသရာလည်နေတဲ့ ဒီလောကကြီးကို ရပ်တန့်ဖို့အတွက် နည်းလမ်းရှာရမယ့် Survival Horror ဇာတ်လမ်းကောင်း လေး တစ်ပုဒ်ပဲဖြစ်ပါတယ်။

𝐆𝐚𝐦𝐞𝐩𝐥𝐚𝐲 & 𝐀𝐭𝐦𝐨𝐬𝐩𝐡𝐞𝐫𝐞

မင်မင် အကြိုက်ဆုံးကတော့ ဒီဂိမ်းရဲ့ Visual Art Style ဖြစ်ပြီး ပထမဂိမ်းထက် အများကြီး ပို Detailed ဖြစ်လာသလို၊ အလင်းအမှောင် ချိန်သုံးထားတဲ့ Atmosphere Focus ပုံစံမျိုးတွေကလည်း ဒီဂိမ်းကို တကယ်အသက်ဝင်စေတာပဲဖြစ်ပါတယ်။ Sepia Tone လိုမျိုး ကာလာတွေနဲ့ မှောင်မိုက်တဲ့ စတူဒီယိုကြီးထဲမှာ လမ်းလျှောက်ရတဲ့ Feeling မျိုးက တကယ့်ကို အသက်ရှူကျပ်ချင်စရာ ကောင်းတဲ့အထိ ခံစားမိတယ်။ 

Gameplay ပိုင်းမှာဆိုရင်လည်း အရင်ကလို ပုန်းပြေးရုံသက်သက် မဟုတ်တော့ဘဲ၊ ကိုယ့်ကို ရန်ပြုလာတဲ့ သတ္တဝါတွေကို ပြန်လည်တိုက်ခိုက်နိုင်မယ့် Combat System မျိုး‌‌တွေပါ ပါဝင်လာတာပါ။ Audrey မှာ Gent Pipe လို့ခေါ်တဲ့ လက်နက်ကို ကိုင်ဆောင်နိုင်ပြီး၊ နတ်ဆိုးတွေကို Banish လုပ်နိုင်တဲ့ အထူးစွမ်းရည်မျိုးတွေလည်း ရှိလာပါတယ်။ ဒါပေမဲ့ သတိထားနော်... Stealth လုပ်ပြီး ပုန်းအောင်းရတာကလည်း အရေးကြီးနေဆဲမို့လို့ လမ်းကြုံတိုင်း ဝင်ကြမ်းချင်တဲ့ စိတ်နဲ့တော့ အဆင်မပြေပါဘူး။

𝐏𝐞𝐫𝐬𝐨𝐧𝐚𝐥 𝐅𝐞𝐞𝐥𝐢𝐧𝐠

အမှန်တိုင်းပြောရရင် ဇာတ်လမ်းက Plot Twist တွေပါတာမလို့ တော်တော်လေး ရှုပ်ထွေးပြီး နက်နဲတယ်လို့ ပြောလို့ရတယ်။ Character တစ်ခုချင်းစီရဲ့ နောက်ကြောင်းရာဇဝင်တွေက အရမ်းစိတ်ဝင်စားဖို့ ကောင်းသလို ဂိမ်းတစ်ခုလုံးကလည်း တကယ့် Horror Movie ဇာတ်ကားကြည့်နေရသလိုအထိ ရင်တမမ နဲ့ ကစားရမှာပဲဖြစ်ပါတယ်။ တကယ်ဇာတ်လမ်းကို အပြည့်ဝနားလည်ချင်ရင်တော့ Detail Easter Egg လေးတွေကိုပါ သေချာဖတ်ကြည့်စေချင်တယ်။

နောက်ပြီး တစ်ခုသတိပေးချင်တာက ဒီဂိမ်းက Jumpscare တွေ တော်တော်ကိုများတာမို့လို့ နှလုံးရောဂါရှိရင်တော့ လက်လျော့စေချင်တယ်။ လုံးဝ Console Level Graphic မျိုးနဲ့ Mobile မှာ အခြောက်ခံရမှာမလို့ မဆော့ခင် စိတ်ခိုင်ခိုင်ထားဖို့တော့ လိုတယ်။ ပြီးတော့ Puzzle ဖြေရှင်းရတာတွေက နည်းနည်းတော့ ခေါင်းစားနိုင်ပြီး၊ Map ကလည်း ရှုပ်ထွေးနိုင်တာမို့ လမ်းမပျောက်အောင်ပါ ဂရုစိုက်ရမှာပါ။ တချို့နေရာတွေမှာ Difficulty နည်းနည်းမြင့်တာမို့ စိတ်ရှည်ဖို့လည်း လိုပါလိမ့်မယ်။ 

အကုန်ချုံပြောရရင်တော့ နာမည်ကြီးသလောက် တကယ် ကို Vibe အစုံနဲ့ experience အသစ်တွေကို ရနိုင်မှာမလို့ horror fan မှန်ရင်တော့ အခုချက်ချင်းကို ဆော့ကြည့်သင့်တဲ့ ဂိမ်းကောင်းထဲမှာ ပါဝင်ပါတယ်။ 

⚠️ သတိပြုရန်

ဒီဂိမ်းက PC/Console အဆင့် ဂိမ်းတစ်ခုကို Mobile ပေါ် Port တင်ထားတာမလို့ တစ်ချို့ဖုန်းတွေအတွက် တော်တော်လေး လေးနိုင်ပါတယ်။ ပြောရရင် Mid-Range နဲ့ High-End ဖုန်းတွေမှသာ အဆင်ပြေပြေ ကစားနိုင်မယ့် အနေအထားမျိုးဖြစ်နေတာပါ။ ဒါပေမယ့် Optimization ကလည်း မဆိုးတဲ့အနေထားမှာရှိလို့ Graphic Default mode နဲ့ ကစားကြည့်လို့လဲ ရပါတယ်။

တခြား‌သူ‌တွေတော့မသိဘူး။ မင်မင်‌တော့ ဒီဂိမ်းကို ဆော့ပြီးတော့ အဖြူမဲ ကာတွန်းကားတွေကို ပြန်ကြည့်ရတာ အရင်ကလို စိတ်လုံခြုံမှုသိပ်မရှိ‌‌တော့ဘူး။ ဘာလို့လဲဆိုတော့ ပုံရိပ်တိုင်းရဲ့ နောက်ကွယ်က ပင်ပန်းမှု ကျိန်စာတွေကို တွေးကြည့်ရင် ဒီကာတွန်းရုပ်‌လေးတွေကလဲ နတ်ဆိုးတွေ ဝင်နေရာယူနိုင်တာပဲ။ 

ဆော့ပြီးရင် Bendy Universe ထဲက ဘယ် Character ကို အကြောက်ဆုံးလဲဆိုတာ Comment မှာ လာပြောခဲ့အုံးနော်။

Game Information
Android version	10 . 0 +
Developer	Joey Drew Studios
Network	Offline
Price	$ 5.99
App version	1.0
Release date	Nov 11, 2025
Platform	Android / iOS / PC
Ram	At least 4 GB +
SOC	Snapdragon 7 Gen + Equivalent

PC Requirements
OS	Windows 10 (64-bit)
Processor ( CPU )	i5-3470 / Ryzen 3 1200
Memory ( Ram )	8 GB RAM
Graphics ( GPU )	GTX 1050 4GB / RX 560 4GB
DirectX	Version 11
Release date	Nov 11, 2022
Storage	15 GB ( Need )

Android ( Mod )

Apple ( Original )

PC ( Crack )

( Premium Game အသစ်လေးဖြစ်ပြီး Apk Only မလို့ Install တင် ကစားရုံပဲနော် )

#HelloYDB #GameIntroduction #MyanmarGamer #BendyAndTheDarkRevival #HorrorGame #SurvivalHorror #MobileGaming

WHAT DO YOU THINK

🤩

ရှယ်ပဲ

0%

🙂

ကောင်းပါတယ်

0%

😐

မဆိုးပါဘူး

0%

🤮

မကောင်းဘူး

0%

CLICK TO VOTE

Discussion 0

You

Replying to ... ✕ CANCEL

Loading comments...

View more comments