𝐌𝐞𝐭𝐚𝐥𝐬𝐭𝐨𝐫𝐦

Top Gun ထဲက Maverick လိုမျိုး ဝေဟင်မှာ Skill ပြချင်တဲ့သူတွေအတွက် Metalstorm ဂိမ်းလေးမှာ try ကြည့်စေချင်တယ်နော်။ 5v5 Gameplay မျိုးမလို့ Challenge ဖြစ်တာမှ Cinematic ဆန်တဲ့ အခိုက်တန့်မျိုးတွေပါ ပွဲတိုင်း မြင်တွေ့ရမှာပဲဖြစ်ပါတယ်။

✈ 𝐌𝐞𝐭𝐚𝐥𝐬𝐭𝐨𝐫𝐦 𝐆𝐚𝐦𝐞 𝐑𝐞𝐯𝐢𝐞𝐰

ကိုယ်ပဲ Flight Combat မျိုးတွေ သိပ်ဆော့လေ့၊ ဆော့ထမရှိလို့လား မသိပေမယ့် ဒီဂိမ်းကတော့ တော်တော်လေး ဆွဲဆောင်မှုရှိတယ်လို့ ‌ပြောရမယ်။ Flight ဂိမ်းတွေဆိုတာက များသောအားဖြင့် ရှုပ်ထွေးတဲ့ ထိန်းချုပ်မှုတွေကို Realistic ဆန်အောင် အတတ်နိုင်ဆုံး ဖန်တီးကြပေမယ့် တကယ့်တကယ် ကစားတဲ့အခါမှာကြ အခုလိုမျိုး Challenge ဖြစ်တဲ့ 5v5 Combat မျိုးတွေဆိုရင် ပိုလို့တောင် ထိန်းချုပ်ရခက်နိုင်တယ်လို့ ထင်ကြတာပါ။ 

အမှန်တိုင်းပြောရရင် စစဆော့ချင်းတုန်းကတော့ Control Mechanic ကြောင့် Impression ကျခဲ့ပေမယ့် Control Type 3 မျိုးထည့်ပေးထားတာကို သတိမထားမိခဲ့ပါဘူး။ အဲဒီမှာ Cursor Aiming က တကယ်ကို မင်မင့်အကြိုက်ဖြစ်ခဲ့ပြီး ကစားရတာ ပိုပြီးတော့ သက်တောင့်သက်သာနဲ့ Action Vibe အပြည့်ကို ခံစားမိခဲ့တာပါ။ 

တစ်ခုသိထားရမှာက ဒီလို Challenge ဖြစ်တဲ့ Real Time Action ဂိမ်းမျိုးတွေဟာ များသောအားဖြင့် Player တွေကို လွယ်ကူအောင်၊ အတတ်နိုင်ဆုံး Realistic ဆန်အောင် လုပ်ကြရပါတယ်။ အဲဒါကြောင့် Flight ရဲ့ Acceleration နဲ့ပတ်သတ်ပြီး တစ်ချို့အချိန်တွေမှာ Unrealistic ဖြစ်ကောင်းဖြစ်နိုင်ပေမယ့် Overall Experience အရ Flight Combat တစ်ခုလုံးကို ချုံကြည့်ရင်တော့ တကယ်ကောင်းမွန်တာကို အပြည့်ဝလက်ခံလာလိမ့်မယ်။

ဘာကြောင့်လဲဆိုတော့ မင်မင် အကြိုက်ဆုံးနဲ့ ဒီဂိမ်းရဲ့ အသက်လို့တောင် ပြောလို့ရတဲ့ Terrain Masking လို Mechanic မျိုးက Cinematic ဆန်ဆန်နဲ့ကို Player တွေကို ပေးစွမ်းနိုင်တာပဲဖြစ်ပါတယ်။ မြင်သာအောင်ပြောရရင် 

ဥပမာ - ရန်သူ့ဒုံးကျည်က ကိုယ့်ကို Lock ဖမ်းထားပြီဆိုရင် Flare တွေဖောက်ပြီး ရှောင်တာထက်၊ တောင်တန်းကြီးတွေရဲ့ နောက်ကွယ်ကို ဒိုင်ဗင်ထိုးဆင်းပြီး ရှောင်လိုက်ရတဲ့ အခိုက်အတန့်က ကစားနေရင်းကို လူကို စိတ်လှုပ်ရှားမှုအပြည့်ပေးစေပါတယ်။ 

Realistic ဆန်ချက်ကတော့ ကစားပွဲတစ်ခုလုံးမှာ ဒုံးကျည်အကန့်သတ်နဲ့သာ ပေးထားတာကြောင့် တစ်ချိန်လုံး Hunter အဖြစ်နဲ့ ရန်သူကို အမဲလိုက်နေရမှာမဟုတ်သလို သားကောင်အဖြစ်နဲ့ပါ ခွေးပြေးဝက်ပြေး ကစားရနိုင်ပါတယ်။ ဒါပေမယ့် တစ်ခုရှိတာက Team ကောင်းရင်တော့ ဘာမဆိုဖြစ်သွားနိုင်တယ်ဆိုတာပါ။ 

နာမည်ကြီး Jets တွေဖြစ်တဲ့ F-16, F-35, Su-57 စတဲ့ Historical Jets တွေ အများကြီး အများကြီး ပါဝင်တာကြောင့် ကိုယ့်ဘက်က Supporting ကောင်းတဲ့ teammates မျိုးတွေပါလာခဲ့မယ်ဆိုရင် အဲဒီပွဲက ပိုလို့တောင် စိတ်ဝင်စားစရာကောင်းပါတယ်။ 

ဘာကြောင့် ဒီလို‌ပြောနိင်တာလဲဆိုရင် Death Match လို အခန်းမျိုးတွေက ဖျက်ဆီးနိုင်တဲ့ပေါ်ပဲ မူတည်ပေမယ့် A,B အမှတ်လိုမျိုး capture လုပ်ရတဲ့ အခန်းတွေကကြတော့ တကယ်ကို ပညာသားပါပါနဲ့ ကစားရမှာပဲဖြစ်ပါတယ်။ အမှန်တိုင်းပြောရရင် Flight Combat လိုဂိမ်းမျိုးမှာ A,B Capture လို Mode မျိုး ထည့်ပေးထားတာ တကယ် စိတ်ဝင်စားစရာကောင်းတယ်လို့ပြောရမယ်။ 

Area အကျယ်နဲ့ မဟုတ်ပဲ Circle အဝိုင်းသေးသေးလေးတစ်ခုနဲ့ သတ်မှတ်ထားတာကြောင့် အဲဒီ အမှတ်ကို ဝင် Capture လုပ်ရတာကော၊ Guard လုပ်ရတာပါ အတော်လက်ပေါက်ခက်ပါတယ်။ အထူးသဖြင့် လှိုင်ခေါင်းတွေလို နေရာမျိုးတွေဆိုရင် Radar ကွယ်ရာမှာ ရန်သူတွေ စောင့်နေတတ်တာကြောင့် အချိန်တိုင်း " Suprise M***** F***** " တွေ ဖြစ်သွားနိုင်ပါတယ်။ 

Overall ပြောရရင်တော့ Gameplay တစ်ခုအနေနဲ့ ဆန်းသစ်တဲ့ Vibe မျိုးကို ရရှိနိုင်တာကြောင့် Moba 5v5 တွေ၊ မြေပြင် ရေပြင်က 5v5 ‌တွေ ဆော့ရတာပျင်းနေပြီဆိုရင် ဝေဟင်ထက်က 5v5 ကိုသာ လာဆော့ကြည့်ကြဖို့ အကြံပေးပါတယ်။

✈ Fun Facts အနေနဲ့ - ဒီဂိမ်းကို ဖန်တီးထားတာက Starform, Inc ဆိုတဲ့ Developer တွေဖြစ်ပြီး သူတို့က Candy Crush တို့လို ဂိမ်းတွေထုတ်တဲ့ King နဲ့ Z2 လို ကုမ္ပဏီကြီးတွေကနေ ထွက်လာတဲ့ ဝါရင့်ပညာရှင်တွေမို့လို့ Player တွေအကြိုက်ကို သိနေတာပဲဖြစ်ပါတယ်။

✈ နောက်ထပ် Tips အနေနဲ့ကတော့ - ဂိမ်းအစပိုင်းမှာ နိုင်ဖို့ လွယ်နေတာက Botတွေကြောင့်ဖြစ်ပြီး နောက်ပိုင်း အထူးသဖြင့် ကိုယ့်ရဲ့လေယာဉ်တွေ Level 8 ထက်ကျော်သွားပြီဆိုရင်တော့ ဂိမ်းရဲ့ System အရ ကိုယ့်ကို Pro Player တွေ၊ ပိုက်ဆံသုံးထားတဲ့ Whale တွေနဲ့ တွဲပေးလိုက်မှာမို့ ရှယ် အမဲဖျက်ခံရမှာပါ။ Chill ချင်တဲ့သူတွေက Trophies 600 လောက်မပြည့်မချင်း Level နိမ့်နိမ့်နဲ့ Stealth ဆန်ဆန် ကစားတာ အကောင်းဆုံးပဲ။ မဟုတ်ရင်တော့ teammates မကောင်းရင် ရှယ်ဗျင်းခံရမှာပါ။

Game Information
Android version	10 . 0 +
Developer	Starform, Inc
Network	Online
Price	Free
App version	1.0.75.564102506
Release date	Dec 18, 2024
Platform	Android / iOS
Ram	At least 4 GB +
SOC	Snapdragon 6 Series

Android ( 2.1 GB )

iOS ( 2.9 GB )

#HelloYDB #GameIntroduction #MyanmarGamer #Chessarama #PuzzleGame #IndieGame #MobileGaming #ChillVibe 

WHAT DO YOU THINK

🤩

ရှယ်ပဲ

0%

🙂

ကောင်းပါတယ်

0%

😐

မဆိုးပါဘူး

0%

🤮

မကောင်းဘူး

0%

CLICK TO VOTE

Discussion 0

You

Replying to ... ✕ CANCEL

Loading comments...

View more comments