𝐏𝐥𝐚𝐧𝐞𝐭 𝐨𝐟 𝐋𝐚𝐧𝐚

ဒီနေ့တော့ နောက်ထပ် Mobile ပေါ်ကို ဆင်းလာတဲ့ ဂိမ်းအသစ်လေးရဲ့ Cinematic Adventure ကမ္ဘာငယ်လေးတစ်ခုဆီကို ခေါ်သွားချင်ပါတယ်။ အထူးသဖြင့် Studio Ghibli ရဲ့ ဇာတ်ကားတစ်ကားထဲကို ကိုယ်တိုင်ရောက်သွားသလိုအထိ ခံစားချင်ရင်‌တော့ တကယ်လက်မလွှတ်သင့်ဘူးနော်။

❖ 𝐏𝐥𝐚𝐧𝐞𝐭 𝐨𝐟 𝐋𝐚𝐧𝐚 𝐑𝐞𝐯𝐢𝐞𝐰

ဒီဂိမ်းတစ်ခုလုံးရဲ့ အစဟာ ပုံလေးတစ်ပုံကြောင့် ဖန်တီးဖြစ်ခဲ့တယ်လို့ပြောမယ်ဆိုရင် ယုံနိုင်ကြမလား ? တကယ်လည်း 2017 ခုနှစ်မှာ ဒါရိုက်တာ Adam Stjärnljus ရေးဆွဲခဲ့တဲ့ ပုံလေးတစ်ပုံကြောင့် အခုလို လှပတဲ့ ကမ္ဘာငယ်လေးကို Explore လုပ်ခွင့်ရခဲ့တာဖြစ်ပြီး သိပ်မကြာခင်မှာလည်း Sequel 2 ထွက်ရှိတော့မှာမလို့ တကယ်ကို လူကြိုက်များတဲ့ ဂိမ်းကောင်းလေးတစ်ခုလို့ ပြောချင်ပါတယ်။

သူ့ရဲ့ style က INSIDE တို့ LIMBO တို့လို Puzzle Platformer ပုံစံမျိုးဆိုပေမယ့် Creepy Vibe မျိုးမဟုတ်ပဲ လူတိုင်း Chill လို့ကောင်းမယ့် ပုံစံမျိုး ဖန်တီးထားတာမလို့ တကယ် သဘောကျစရာကောင်းပါတယ်။

❖ 𝐆𝐚𝐦𝐞 𝐒𝐭𝐨𝐫𝐲

Story ကတော့ နည်းနည်း Mystery ဆန်ပြီး ဒီဂိမ်းရဲ့ ဇာတ်လိုက်မလေး Lana နေတဲ့ Novo ဆိုတဲ့ ဂြိုလ်လေးပေါ်ကို စက်ရုပ်ကြီးတွေ ရုတ်တရက် ရောက်လာရာကနေ စတင်ထားတာပါ။ အဲဒီမှာ စက်ရုပ်တွေက သူ့အစ်မနဲ့ တစ်ရွာလုံးက သက်ရှိတွေကို ဖမ်းခေါ်ဆောင်သွားခဲ့ပြီး Lana ကနေ ပြန်ကယ်ပေးရမယ့် ပုံစံမျိုးလေးဆို‌ပေမယ့် သူမတစ်‌ယောက်တည်းတော့ မဟုတ်ပါဘူး။ နောက်ထပ် Mui ဆိုတဲ့ အမွှေးပွ ကြောင်ပေါက်လေးတစ်ကောင်ပါ ပါဝင်အုံးမှာမလို့ သူတို့နှစ်ယောက်ရဲ့ ကယ်ဆယ်ရေးခရီးစဉ်လေးက Adventure ဆန်ဆန်လေးနဲ့ စိတ်ဝင်စားစရာကောင်းနေမှာပါ။ အထူးသဖြင့် Animal Lover တွေဆိုရင် emotional ထိမှာ သေချာပါတယ်။

❖ 𝐆𝐚𝐦𝐞𝐩𝐥𝐚𝐲 𝐌𝐞𝐜𝐡𝐚𝐧𝐢𝐜

မင်မင် အကြိုက်ဆုံးကတော့ ဒီဂိမ်းမှာ Combat လုံးဝမပါတာမျိုးပါပဲ။ ဘာကြောင့် ဒီလိုပြောရလဲဆိုရင် Chill လို့ကောင်းတဲ့ ဂိမ်းတစ်ခုအနေနဲ့ Action Combat တွေအစား ဦးနှောက်ကို ပိုသုံးပေးရတာကြောင့် Stealth လုပ်ပြီး ပုန်းလျှိုးကွယ်လျှိုးသွားတာက တစ်နည်းအားဖြင့် ပြောရရင် ဂိမ်းရဲ့ Tension Vibe ကိုလည်း ပိုမြင့်တက်စေပါတယ်။

Lana က ရေကူးနိုင်တယ်၊ လေးလံတာတွေကို ရွှေ့နိုင်တယ်။ Mui လေးကတော့ နေရာမြင့်မြင့်တွေကို ခုန်တက်နိုင်သလို၊ ကျဉ်းတဲ့နေရာလေးတွေကို ဝင်ပြီး System တွေကိုပါ Hack ပေးနိုင်တယ်။

ဒီနေရာမှာ နောက်ထပ် စိတ်ဝင်စားစရာတစ်ခုက Developer တွေဟာ မူလက Lana ရဲ့ လှုပ်ရှားမှုတွေကို ဂန္ထဝင် Prince of Persia ဂိမ်းလို Grid-based movement လုပ်ဖို့ စဉ်းစားခဲ့ကြပါသေးတယ်။ ဒါပေမဲ့ နောက်ပိုင်းမှာတော့ အခုမြင်ရတဲ့အတိုင်း ပိုပြီး Smooth ဖြစ်တဲ့ Cinematic Movement ကို ပြောင်းသုံးခဲ့ကြတာပါ။

နောက်တစ်ခုက Soundtrack အကြောင်း မပြောရင် ဒီဂိမ်းအကြောင်း ပြောတာကလည်း မပြည့်စုံပါဘူး။ The Last Guardian ဂိမ်းရဲ့ ဂီတမှူး Takeshi Furukawa ဖန်တီးထားတဲ့ ဂီတသံစဉ်တွေက ဂိမ်းကစားနေတာနဲ့ မတူဘဲ ရုပ်ရှင်ကြည့်နေရသလိုအထိ ခံစားချက်တွေကို ပေးစွမ်းနိုင်တာမလို့ တကယ်ကို Chill လို့ကောင်းနေတာပဲဖြစ်ပါတယ်။

❖ 𝐏𝐞𝐫𝐬𝐨𝐧𝐚𝐥 𝐑𝐞𝐯𝐢𝐞𝐰

ဒီဂိမ်းက Art Style နဲ့ Music ပိုင်းမှာ 10/10 လို့ပြောချင်တယ်။ Screenshot ရိုက်စရာမလိုတဲ့ နေရာဆိုတာ မရှိသလောက်အထိကို အရမ်းလှလွန်းတယ်။ ဒါပေမဲ့ တစ်ခု သတိထားရမှာက Controls ပိုင်းပါ။ Lana ရဲ့ လှုပ်ရှားမှုက နည်းနည်းလေးလံပြီး Sluggish ဖြစ်တယ်လို့ ခံစားရနိုင်ပါတယ်။ ဒါကလည်း Developer တွေက Realistic ဖြစ်တဲ့ Weight ကို ထည့်သွင်းချင်လို့ ရည်ရွယ်ချက်ရှိရှိ လုပ်ထားတာမျိုးပါ။ နောက်ဆုံး တစ်ခုကတော့ Playtime တိုတာပါပဲ ။ ပြောရရင် ၃၊ ၄ နာရီလောက်နဲ့ ပြီးတာမလို့ အေးအေးဆေးဆေးနဲ့ သဘာဝအလှတွေကို တစ်စိမ့်စိမ့်ခံစားပြီး ဆော့စေချင်တယ်။

Game Information
Android version	10 . 0 +
Developer	Playdigious
Network	Offline
Price	Paid
App version	1.6.1
Release date	Dec 8, 2025
Platform	Android / iOS / PC
Ram	At least 4 GB +
SOC	Snapdragon 720 +

Android ( 3 GB )

iOS ( 3.1 GB )

PC ( 4.4 GB )

#HelloYDB #GameIntroduction #MyanmarGamer #PlanetofLana #IndieGame #Adventure #PuzzlePlatformer

WHAT DO YOU THINK

🤩

ရှယ်ပဲ

0%

🙂

ကောင်းပါတယ်

0%

😐

မဆိုးပါဘူး

0%

🤮

မကောင်းဘူး

0%

CLICK TO VOTE

Discussion 0

You

Replying to ... ✕ CANCEL

Loading comments...

View more comments