Botany Manor

Game Info

Skip to Downloads

စိုက်ပျိုးရေးမဟုတ်ပဲ သစ်ပင်ပန်းပင်လေးတွေကို ချစ်မြတ်နိုးတဲ့ Botany သူလေးတွေ ရှိရင် ဒီဂိမ်းလေးကို ကျော်မသွားနဲ့နော်....

အထူးသဖြင့် ကျောင်းမှာ Botany Major ယူထားတဲ့သူတွေ၊ ဒါမှမဟုတ် မင်မင့်လို ရုက္ခဗေဒကို အရမ်းစိတ်ဝင်စားလို့ တမင်တကာ အချိန်ပေးပြီး ပန်းလေးတွေကို စိုက်တတ်တဲ့သူတွေအတွက် ဒီဂိမ်းလေးက လုံးဝကို Peaceful ဖြစ်သလို၊ အေးအေးလေးနဲ့ Chill လုပ်ပြီး ကစားရမှာမလို့ သစ်ပင်ပန်း‌ပင်လေးတွေကို စိတ်ဝင်စားရင် ကစားကို ကစားကြည့်စေချင်တယ်။ 

𝐁𝐨𝐭𝐚𝐧𝐲 𝐌𝐚𝐧𝐨𝐫 - 𝐆𝐚𝐦𝐞 𝐑𝐞𝐯𝐢𝐞𝐰

° ဒီဂိမ်းထဲမှာဆိုရင် ကိုယ်တွေက ၁၈၉၀ ခုနှစ်ဝန်းကျင်က အင်္ဂလန်ပြည်မှာ နေထိုင်ခဲ့တဲ့ အငြိမ်းစား ရုက္ခဗေဒပညာရှင် Arabella Greene ဆိုတဲ့ အမျိုးသမီးတစ်‌‌ယောက်နေရာကနေ ကစားရမှာပါ။ သူမရဲ့ ကြီးမားခမ်းနားတဲ့ Victorian ခေတ် အိမ်တော်ကြီးထဲမှာ တစ်ယောက်တည်း နေထိုင်ရင်း၊ တစ်သက်တာ သုတေသနလုပ်ခဲ့တဲ့ Forgotten Flora ဆိုတဲ့ ရှားပါးအပင်မျိုးစိတ်တွေကို အောင်မြင်စွာ စိုက်ပျိုးနိုင်ဖို့ ကြိုးစားရမှာပဲ ဖြစ်ပါတယ်။ အိမ်တော်ကြီးရဲ့ အခန်းတွေ၊ ဥယျာဉ်တွေထဲမှာ လျှောက်သွားရင်း သူမ ချန်ထားခဲ့တဲ့ မှတ်စုတွေ၊ စာအုပ်ဟောင်းတွေနဲ့ ပိုစ့်ကတ်တွေကို ဖတ်ရှုပြီး သူမရဲ့ ဘဝဇာတ်ကြောင်းကို တဖြည်းဖြည်း နားလည်လာမှာပဲဖြစ်ပါတယ်။

° ဂိမ်းရဲ့ အဓိက သွားရမယ့် ပုံစံက ပန်းပင်‌လေးတွေကို ဖြစ်ထွန်းအောင် တစ်နည်းအားဖြင့် အပင်ပေါက်အောင် လုပ်ရတာမျိုးပါ။ ဒါပေမယ့် ရိုးရိုးရေလောင်းပြီး စောင့်နေရုံနဲ့တော့ မရပါဘူး။ အပင်တစ်ပင်ချင်းစီအတွက် လိုအပ်တဲ့ အပူချိန်၊ အလင်းရောင်၊ မြေဆီလွှာ အချိုးအစားတွေကအစ အိမ်ထဲက သဲလွန်စတွေကနေ လိုက်ရှာရမှာပဲဖြစ်ပါတယ်။ ဥပမာ - မှတ်စုစာအုပ်တစ်အုပ်မှာ ရေးထားတဲ့ အပူချိန်ကို ဖတ်ပြီး သက်ဆိုင်ရာ စက်ယန္တရားတွေကို သွားပြင်ရတာမျိုးပေါ့။ အပင်တစ်ပင် ပွင့်လာတိုင်း Arabella ရဲ့ အတိတ်က အပိုင်းအစလေးတွေဟာ တစ်စချင်း ပြန်ပေါ်လာတာမလို့ တကယ်ကို Cozy Adventure လေးပဲဖြစ်ပါတယ်။

° ဒါပေမယ့် ထူးဆန်းတာက အိမ်တော်ကြီးရဲ့ တံခါးပိတ်ထားတဲ့ အခန်းတွေထဲမှာ ဘယ်လို လျှို့ဝှက်ချက်တွေ ရှိနေအုံးမလဲဆိုတာပါပဲ။ နောက်ပြီး Arabella ရှာဖွေနေတဲ့ ပန်းပင်လေးတွေ အောင်အောင်မြင်မြင်နဲ့ ဖြစ်ထွန်းသွားတဲ့အချိန်မှာရော ဘာတွေဆက်ဖြစ်မှာလဲ ? သေချာတာကတော့ အဲဒီ ၁၉ ရာစုဝန်းကျင်က သိပ္ပံလောကဆိုတာဟာ ပညာရှင်အမျိုးသမီးတွေအတွက် ဖိုဝါဒကြီးစိုးနေတဲ့ လောင်းရိပ်အောက်ကနေ မလွတ်မြောက်ကြသေးပါဘူး။ အဲဒီလို အလေးပေးမခံရတဲ့ လောကကြီးထဲမှာ ပန်လေးတစ်ပွင့်လို ဘယ်လို ထွန်းပွင့်လာမလဲဆိုတာကတော့ Arabella ရဲ့ နောက်ကြောင်းလေးကို ကိုယ်တိုင်ပဲ ရှာဖွေကြည့်လိုက်တော့နော်။ 

𝐆𝐚𝐦𝐞𝐩𝐥𝐚𝐲 & 𝐌𝐞𝐜𝐡𝐚𝐧𝐢𝐜

ဒီဂိမ်းရဲ့ Gameplay က ရှုပ်ရှုပ်ထွေးထွေး မဟုတ်ပဲ အေးအေးဆေးဆေးလေးနဲ့ စူးစမ်းလေ့လာရမယ့် Chilling Type မျိုးလေးပါ။ First-Person ရှုထောင့်ကနေ အိမ်တော်ကြီးကို လိုက်လံစူးစမ်းရမှာ ဖြစ်တာကြောင့် တကယ်လည်း စိတ်ဝင်စားစရာကောင်းတယ်။ 

❖ အထူးသဖြင့် အိမ်တော်ကြီးရဲ့ အခန်းတိုင်းမှာ သဲလွန်စတွေ အများကြီးရှိ‌ပါတယ်။ စာရွက်စာတမ်းတွေအပြင် ပစ္စည်းတွေကို လိုက်လံစစ်ဆေးပြီး မှတ်စုစာအုပ်ထဲမှာပါ အချက်အလက်တွေကို အပြင်ကအတိုင်း စုဆောင်းရပါလိမ့်မယ်။ တကယ့်ကို Researcher တစ်ယောက်လို ပြုမူရမှာပါ။ 

❖ ရလာတဲ့ အချက်အလက်တွေကို ပေါင်းစပ်ပြီး ပန်းတစ်ပွင့်ချင်းစီရဲ့ လိုအပ်ချက်တွေကို ယုတ္တိတန်တန် တွေးခေါ်ဖြေရှင်းရမှာဖြစ်တာကြောင့် သိပ္ပံနည်းကျ စဉ်းစားရတာလေးတွေကို သဘောကျရင် လုံးဝကို ရပ်မှာမဟုတ်တော့ဘူး။

❖ တစ်ခုအားနည်းချက်ရှိတာက Mobile Port Version မလို့ Touch Screen Control ပုံစံမျိုးမဟုတ်ပဲ Camera View ကအစ Joysticks ပုံစံနဲ့ ကစားရမှာပါ။ နည်းနည်းတော့ အားမလိုအားမရဖြစ်တာပေါ့။ ဒါပေမယ့် ဂိမ်းလေးကလည်း ကောင်းနေတော့ သူ့ဟာနဲ့သူ အသားကျသွားတာပါပဲ။ 

𝐀𝐮𝐝𝐢𝐨, 𝐕𝐢𝐬𝐮𝐚𝐥 & 𝐏𝐞𝐫𝐟𝐨𝐫𝐦𝐚𝐧𝐜𝐞

ဂိမ်းရဲ့ ရုပ်ထွက်ပိုင်းကတော့ Victorian ခေတ်ရဲ့ အငွေ့အသက်ကို အပြည့်အဝ ခံစားရစေမယ့် 3D Art Style မျိုးလေးကို သုံးထားတာပါ။ အရောင်အသွေးတွေကအစ ဖျော့ဖျော့လေးနဲ့ မျက်စိအေးစေတာကြောင့် ကြည့်ရတာ တကယ် သက်တောင့်သက်သာ ရှိပါတယ်။ Music ပိုင်းမှာဆိုရင်လည်း အေးချမ်းတဲ့ စန္ဒရားသံလေးတွေနဲ့အတူ ကျေးငှက်အော်သံလေးတွေ၊ လေတိုက်သံလေးတွေကအစ ဂိမ်းရဲ့ Vibe ကို ပိုပြီးတော့ ပြည့်စုံသွားအောင် Supporting ပေးသွားမှာပဲဖြစ်ပါတယ်။

Performance ပိုင်းမှာတော့ Mobile User တွေအတွက် နည်းနည်းတော့ သတိထားစေချင်ပါတယ်။ High-End ဖုန်းတွေမှာ အေးဆေးဆော့လို့ရပေမယ့်၊ Mid-Range ဖုန်းတွေမှာတော့ ကြာကြာဆော့ရင် နည်းနည်းလေး ပူလာတာမျိုးတွေ ရှိနိုင်ပါတယ်။ PC Version လောက် Controls တွေက Smooth မဖြစ်ပေမယ့် ရုပ်ထွက်နဲ့ FPS ကတော့ တကယ် Stable ဖြစ်ဖြစ်နဲ့ ကစားရမှာပါ။ 

#အချိန်ပေးပြီးကစားရတာတန်ရဲ့လား?

ပြောရရင် မင်မင်အတွက်ကတော့ အချိန်ပေးရတာ လုံးဝကို တန်တဲ့ ဂိမ်းကောင်းလေးတစ်ခုပါ။ အထူးသဖြင့် Competition ဂိမ်းတွေနဲ့ လောင်နေရင်တော့ Peaceful ဖြစ်အောင် ကစားကြည့်သင့်တယ်လို့ မြင်မိတယ်။ နောက်တစ်ခု အသိပေးချင်တာက ဒီဂိမ်းက Graphic လေး Cozy ဖြစ်လို့ ကစားကြည့်ချင်တယ်ဆိုရင်တောင် တကယ် ပန်းပင်လေးတွေကို သဘောကျတဲ့သူတွေပဲ အဆုံးထိ ကစားမိမှာပဲဖြစ်ပါတယ်။ ဟုတ်ပါတယ် စာလည်းဖတ်ရမယ်၊ တွေးလည်း တွေးရမယ် အဲဒါကြောင့် အေးအေးလေးသာ ဆော့ကြည့်ကြပါ။

𝐏𝐞𝐫𝐬𝐨𝐧𝐚𝐥 𝐅𝐞𝐞𝐥𝐢𝐧𝐠

° မင်မင်အနေနဲ့ ပြောပြရရင် ဒီဂိမ်းလေးက တကယ် အပြင်လောကရဲ့ စိတ်ဖိစီးမှုတွေ အကုန်လုံးနီးပါး မေ့သွားသလိုအထိ ခံစားရတယ်။ ပြောရရင် အချိန်ခရီးသွားလိုက်ရသလိုမျိုး Feeling ကြီးနဲ့ အိမ်တော်ကြီးထဲမှာ ဟိုသွားလိုက် ဒီသွားလိုက်၊ စာအုပ်ဟောင်းတွေ လိုက်ဖတ်လိုက်နဲ့ ပန်းပင်လေးတွေ ဘယ်လို ပျိုးထောင်ရမလဲဆိုတာကို စဉ်းစားအဖြေရှာရတာက တကယ့်ကို အရသာ တစ်မျိုးပဲ။ အနီးစပ်‌ဆုံး ခံစားမိအောင် ဥပမာပေးရရင် တောင်ပေါ်စခန်းလေးတစ်ခုမှာ သွားပြီး‌တော့ အနားယူနေရသလိုမျိုးလေးအထိ စိတ်အေးချမ်းမှုကို အပြည့်အဝပေးနိုင်တဲ့ ဂိမ်းကောင်းလေးတစ်ခုပါ။

° နောက်ပြီး ဒီဂိမ်းကနေ မင်မင် ရလိုက်တဲ့ အသိတရားတစ်ခုကတော့ သဘာဝတရားမှာ အရာရာတိုင်းက သူ့နေရာနဲ့သူ အရေးပါတယ် ဆိုတာပါပဲ။ ပန်းပင်လေးတစ်ပင် ရှင်သန်ဖို့အတွက် သေးငယ်တဲ့ အပူချိန်အပြောင်းအလဲတွေ၊ မြေဆီလွှာလေးတွေကအစ အရေးကြီးသလို၊ လူ့ဘဝမှာလည်း သေးငယ်တဲ့ အပြုမူလေးတွေနဲ့ လုပ်ရပ်တွေက တစ်ချိန်ချိန်မှာ ကိုယ့်အတွက် ကြီးမားတဲ့ ပန်းပွင့်လေးတစ်ခုလို ဖြစ်ထွန်းလာမှာပဲဖြစ်ပါတယ်။ ဘာပန်းလဲဆိုတာကတော့ ကိုယ်ထည့်ခဲ့တဲ့ မျိုးစေ့ပေါ်မှာပဲ မူတည်တယ်။ 

𝐁𝐞𝐡𝐢𝐧𝐝 𝐓𝐡𝐞 𝐒𝐜𝐞𝐧𝐞𝐬

° ဒီဂိမ်းလေးကို Balloon Studios ကနေ ဖန်တီးခဲ့တာဖြစ်ပြီး၊ Whitethorn Games ကနေ ဖြန့်ချိပေးခဲ့တာပါ။ Developer တွေရဲ့ အဓိက ရည်ရွယ်ချက်ကတော့ ကစားသူတွေကို စိတ်ဖိစီးမှု ကင်းကင်းနဲ့ အေးချမ်းတဲ့ ကမ္ဘာလေးတစ်ခုထဲမှာ နစ်မြောသွားစေဖို့ပါပဲ။ အမျိုးသမီး သိပ္ပံပညာရှင် တစ်ယောက်ရဲ့ ဘဝကို အခြေခံပြီး ဖန်တီးထားတာဖြစ်လို့ အဲဒီခေတ်က အမျိုးသမီးတွေရဲ့ အခက်အခဲတွေကိုပါ သိမ်သိမ်မွေ့မွေ့လေး ထည့်သွင်းပုံဖော်ထားတာက တကယ်ကို လေးစားဖို့ ကောင်းပါတယ်။

⬛ အချုပ်အားဖြင့် ပြောရရင် Botany Manor ဆိုတဲ့ ဂိမ်းလေးဟာ ပန်းချစ်သူတွေအတွက် တစ်ဝကြီး Chill လို့ကောင်းမယ့် ဂိမ်းကောင်းလေးတစ်ခုပဲဖြစ်ပါတယ်။

တကယ်လို့များပေါ့နော် ကိုယ်သာ ၁၉ ရာစုက ကြီးမားတဲ့ အိမ်တော်ကြီးတစ်ခုမှာ တစ်ယောက်တည်း နေရမယ်ဆိုရင် စိတ်အေးချမ်းနိုင်မလား၊ ဒါမှမဟုတ် သရဲကြောက်ပြီး ထွက်ပြေးမှာလား? ရိုးရိုးသားသား ဖြေခဲ့ကြနော် 😅

📖 Arabella ရဲ့ မေ့ပျောက်ခံ ပန်းဝင်္ကပါ

Hello! ဒီအထိ ရောက်လာပြီဆိုတော့ ဇာတ်လမ်းလေးကို တော်တော် စိတ်ဝင်စားလို့နဲ့ တူတယ်။ Review ထဲမှာလည်း ဇာတ်ကြောင်းကို အစပျိုးထားခဲ့ပေမယ့် ပိုပြီးတော့ ဇာတ်ရည်လည်အောင် အစက သေချာပြောပြမယ်နော်။ ဒါဆို မင်မင်နဲ့အတူ ဇာတ်ကြောင်းလေးကို အစအဆုံး ဝင်ကြည့်လိုက်ရအောင်...

၁၈၉၀ ခုနှစ်ဝန်းကျင်လောက်က အင်္ဂလန်ပြည် Somerset မှာရှိတဲ့ ခမ်းနားကြီးကျယ်တဲ့ မျိုးရိုးစဉ်ဆက် အိမ်တော်ကြီးတစ်ခုမှာ ဇာတ်လမ်းစတင်ပါတယ်။ အဓိက ဇာတ်ကောင်ကတော့ Arabella Greene ဆိုတဲ့ အငြိမ်းစား ရုက္ခဗေဒပညာရှင် အမျိုးသမီးကြီးပါ။ အဲဒီခေတ်ကာလက သိပ္ပံလောကဆိုတာ အမျိုးသားတွေသာ လွှမ်းမိုးထားတဲ့ နေရာဖြစ်ပြီး၊ အမျိုးသမီးတစ်ယောက်ရဲ့ တွေ့ရှိချက်တွေကို အသိအမှတ်ပြုဖို့ အရမ်းကို ခက်ခဲတဲ့ အချိန်ဖြစ်ပါတယ်။ ဒါပေမယ့် Arabella ကတော့ သူမရဲ့ ဝါသနာကို ဘယ်တော့မှ အရှုံးမပေးခဲ့ပါဘူး။ သူမရဲ့ တစ်သက်တာ အိပ်မက်ဖြစ်တဲ့ Forgotten Flora လို့ အမည်ပေးထားတဲ့ ရှားပါး အပင်မျိုးစိတ်တွေအကြောင်း စာအုပ်ကြီးကို အပြီးသတ် ရေးသားဖို့ အိမ်တော်ကြီးမှာ တစ်ယောက်တည်း ကျန်ရစ်နေခဲ့တာပါ။

အိမ်တော်ရဲ့ အခန်းတွေ၊ မှန်လုံအိမ်တွေ၊ စာကြည့်တိုက်နဲ့ ဥယျာဉ်တွေကို လျှောက်သွားရင်း Arabella ရဲ့ အတိတ်တွေကို စာအုပ်ဟောင်းတွေ၊ ပိုစ့်ကတ်တွေ၊ လုပ်ဖော်ကိုင်ဖက်တွေဆီက စာတွေကနေတဆင့် တစိမ့်စိမ့် သိလာရပါတယ်။ သူမရဲ့ ဉာဏ်ပညာထက်မြက်မှုကို သဘောကျတဲ့သူတွေ ရှိသလို၊ အမျိုးသမီးဖြစ်နေလို့ နှိမ်ချဆက်ဆံတဲ့ ပညာရှင်တွေလည်း အများကြီး ရှိခဲ့ပါတယ်။ ဒါပေမယ့် Arabella ဟာ အဲဒီလို ခွဲခြားဆက်ဆံမှုတွေကို ဂရုမစိုက်ဘဲ သူမရဲ့ အပင်တွေအပေါ်မှာပဲ အပြည့်အဝ အာရုံစိုက်ခဲ့ပါတယ်။ သူမရဲ့ အစ်မဖြစ်သူနဲ့ မိသားစုရေးရာ ကိစ္စတွေ၊ သူမရဲ့ ဘဝတစ်လျှောက် ကြုံတွေ့ခဲ့ရတဲ့ ဆုံးရှုံးမှု၊ အလွမ်းနဲ့ အခက်အခဲတွေကို ပန်းပင်တစ်ပင်ချင်းစီ ပေါက်လာတိုင်း ပုံပြင်တစ်ပုဒ်လို ခံစားသိရှိခဲ့ရတာပါ။

ဂိမ်းရဲ့ အဓိက လျှို့ဝှက်ချက်ကတော့ သာမန် ပတ်ဝန်းကျင်မှာ ရှင်သန်နိုင်စွမ်းမရှိတဲ့ ဒီ ရှားပါး Forgotten Flora အပင်တွေကို ဘယ်လို ပေါက်အောင် လုပ်မလဲ ဆိုတာပါပဲ။ ဥပမာ - အပင်တစ်ပင်ဟာ တိကျတဲ့ လေတိုက်နှုန်းနဲ့ အသံလှိုင်း တစ်ခုရှိမှ ပွင့်လာတာမျိုး၊ နောက်တစ်ပင်ကတော့ ဓာတ်ပုံခန်းထဲက အလင်းရောင် အနီအောက်မှာမှ ရှင်သန်နိုင်တာမျိုး၊ ဓာတုဗေဒ ဆေးရည်တွေ အချိုးကျ ရောစပ်ပြီး မြေဆီလွှာကို ပြောင်းလဲပေးရတာမျိုး စတဲ့ ထူးဆန်းတဲ့ အချက်တွေကို လိုက်လံရှာဖွေပြီး ဖန်တီးပေးရတာပါ။ ဒီလိုနဲ့ အခန်းတိုင်း၊ ထောင့်တိုင်းမှာရှိတဲ့ အပင်တွေ အားလုံးကို အောင်မြင်စွာ ပေါက်ဖွားစေပြီးတဲ့နောက်မှာတော့ Arabella ဟာ သူမရဲ့ Forgotten Flora စာအုပ်ကြီးကို လုံးဝ အပြီးသတ်နိုင်ခဲ့ပါတယ်။

ဇာတ်လမ်းရဲ့ အဆုံးသတ်မှာတော့ Arabella ဟာ သူမရဲ့ စာအုပ်ကို ပုံနှိပ်ထုတ်ဝေဖို့ အောင်မြင်စွာ ပို့ဆောင်လိုက်နိုင်ပြီး၊ အိမ်တော်ကြီးရဲ့ အပေါ်ထပ် လသာဆောင်မှာ ထိုင်ရင်း သာယာလှပတဲ့ ဥယျာဉ်ကြီးကို ကြည့်ရှုကာ အေးချမ်းစွာ အနားယူသွားတာကို တွေ့ရပါတယ်။ သူမရဲ့ ဘဝတစ်သက်တာ ကြိုးစားအားထုတ်မှုတွေဟာ နောက်ဆုံးမှာတော့ အောင်မြင်မှု အသီးအပွင့်အဖြစ် ပေါ်ထွက်လာခဲ့ပြီး၊ သမိုင်းမှာ မှေးမှိန်နေခဲ့တဲ့ အမျိုးသမီး သိပ္ပံပညာရှင် တစ်ယောက်ရဲ့ ဂုဏ်သိက္ခာကို အပြည့်အဝ ပြန်လည်ရယူနိုင်ခဲ့ပါတယ်။

ကဲ... ဒီလို အေးချမ်းပြီး အဓိပ္ပာယ်ရှိတဲ့ Arabella ရဲ့ ဘဝခရီးလမ်းလေးကို အပြည့်အစုံ သိသွားပြီဆိုတော့ ရင်ထဲမှာ ဘယ်လို ခံစားချက်မျိုး ကျန်ခဲ့လဲ? ကိုယ်တိုင်ရော ဒီလို အေးချမ်းတဲ့ ခြံဝန်းကျယ်ကြီးထဲမှာ ပန်းပင်လေးတွေစိုက်ပြီး ဘဝကို ကုန်ဆုံးချင်သလားဆိုတာ Comment ထဲမှာ ဖြေပေးသွားအုံးနော်...

GAME INFORMATION

Developer

Balloon Studios

Version

Varies with device

Release

April 2024

Updated

April 2024

Network

Offline

Platform

PC, PS, Xbox, Switch, Android (Unofficial Port)

Download Size

Around 500 MB (Android), 5 GB (PC)

Total Size

Around 1.5 GB (Android), 5 GB (PC)

System Requirements

Mobile Specs

• Android8.0+
• iOSNot Available
• RAM4 GB
• SOCSnapdragon 680 +
• Arch64-bit ARM

PC Specs

• CPUIntel Core i5-4670K / AMD FX-8350
• RAM8 GB
• GPUNVIDIA GTX 1050 / AMD RX 460
• DirectXVersion 11

8.3RELAXING MASTERPIECE

Graphics

90

Gameplay

85

Control

75

OFFICIAL STORES

Download from the official servers.

SteamOfficial PC Release | $24.99

XboxOfficial Console Releases | $24.99

Nintendo SwitchOfficial Console Releases | $29.39

PlayStationOfficial Console Releases | $24.99

Downloads

This is for testing purpose only!

Apk Only (519MB)Full Paid | v1.0.3

WHAT DO YOU THINK

🤩

ရှယ်ပဲ

0%

🙂

ကောင်းပါတယ်

0%

😐

မဆိုးပါဘူး

0%

🤮

မကောင်းဘူး

0%

CLICK TO VOTE

Discussion 0

Select Avatar

🎮 🕹️ 👾 ⚔️ 🚀 👽 🔥 🏆 🎯 🎲 💀 🤖 ⚡ 🌟

Replying to ... ✕

Initializing...

Load More

Collapse